2025 ഏഷ്യ കപ്പിന് മുന്നോടിയായി നടക്കാനിരുന്ന ദുലീപ് ട്രോഫിയിൽ നിന്നും സൂപ്പർതാരം തിലക് വർമ്മ പിന്മാറി. ദുലീപ് ട്രോഫി ടൂർണമെന്റ് സെമി ഫൈനലിൽ ദക്ഷിണ മേഖലയെ നയിക്കാൻ തിലക് വർമ്മ ഒരുങ്ങിയിരിക്കുകയായിരുന്നു. എന്നാൽ ഏഷ്യ കപ്പിന്റെ തയ്യാറെടുപ്പുകളുടെ ഭാഗമായി സെപ്റ്റംബർ നാലിന് യുഎഇയിലേക്ക് പോവും. ദുലീപ് ട്രോഫി സെമി ഫൈനൽ സെപ്റ്റംബർ നാല് മുതൽ ഏഴ് വരെയാണ് നടക്കുന്നത്. അതുകൊണ്ട് തന്നെ മത്സരം തുടങ്ങുന്ന അതേ ദിവസം തന്നെ ഇന്ത്യൻ ടീം യുഎഇയിലേക്ക് പോവുന്നതാണ് തിലക് വർമക്ക് തിരിച്ചടിയായിരിക്കുന്നത്. 

തിലക് വർമ്മ മാത്രമല്ല യുവതാരം സായ് കിഷോറും ഈ ടൂർണമെന്റിൽ നിന്നും വിട്ട് നിൽക്കും. പരുക്കിൽ നിന്നും സായ് കിഷോർ ഇതുവരെ മുക്തി നേടിയിട്ടില്ല. ഇരുവർക്കും പകരക്കാരെയും പ്രഖ്യാപിച്ചിട്ടുണ്ട്. അങ്കിത് ശർമ്മയെയും ഷെയ്ക്ക് റഷീദിനെയും ആണ് ദക്ഷിണ മേഖല ടീമിൽ ഉൾപ്പെടുത്തിയത്. മലയാളി താരം മുഹമ്മദ് അസ്ഹറുദ്ദീനാണു ടീമിനെ നയിക്കുന്നത്. 

അതേസമയം ഏഷ്യ കപ്പ് ആരംഭിക്കാൻ ഇനി ദിവസങ്ങൾ മാത്രമേ ബാക്കിയുള്ളൂ. സെപ്റ്റംബർ ഒമ്പതിനാണ് ഏഷ്യയിലെ ക്രിക്കറ്റ് പോരാട്ടങ്ങൾക്ക് തുടക്കമാവുന്നത്. സെപ്റ്റംബർ 10ന് യുഎഇക്കെതിരെയാണ് ഏഷ്യ കപ്പിൽ ഇന്ത്യയുടെ ആദ്യ മത്സരം. ആരാധകർ ഏറെ പ്രതീക്ഷയോടെ കാത്തിരിക്കുന്ന ഇന്ത്യ-പാകിസ്ഥാൻ ഗ്രൂപ്പ് ഘട്ട മത്സരം സെപ്റ്റംബർ 14ന് നടക്കും. ടൂർണമെന്റിൽ ഗ്രൂപ്പ് എയിലാണ് ഇന്ത്യ ഇടം നേടിയിട്ടുള്ളത്. ഇന്ത്യക്കൊപ്പം പാകിസ്ഥാൻ, യുഎഇ, ഒമാൻ എന്നീ ടീമുകളുമാണ് ഗ്രൂപ്പിലുള്ളത്‌. 

2025 ഏഷ്യാ കപ്പിനുള്ള ടീം ഇന്ത്യ സ്‌ക്വാഡ് 

സൂര്യകുമാർ യാദവ് (ക്യാപ്റ്റൻ), ശുഭ്മാൻ ഗിൽ (വൈസ് ക്യാപ്റ്റൻ), അഭിഷേക് ശർമ, തിലക് വർമ്മ, ഹാർദിക് പാണ്ഡ്യ, ശിവം ദുബെ, അക്സർ പട്ടേൽ, ജിതേഷ് ശർമ (വിക്കറ്റ് കീപ്പർ), ജസ്പ്രീത് ബുംറ, അർഷ്ദീപ് സിംഗ്, വരുൺ ചക്രവർത്തി, കുൽദീപ് യാദവ്, സഞ്ജു സാംസൺ (വിക്കറ്റ് കീപ്പർ), ഹർഷിത് റാണ, റിങ്കു സിങ്.

Tilak Verma has withdrawn from the Duleep Trophy, which was scheduled to be held ahead of the 2025 Asia Cup. Tilak Verma was set to lead the South Zone in the semi-finals of the Duleep Trophy tournament.