കോഴിക്കോട്: ആനക്കാംപൊയില്‍-കള്ളാടി-മേപ്പാടി ഇരട്ട തുരങ്കപാതയുടെ നിര്‍മ്മാണ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. ഏറെ നാളത്തെ കാത്തിരിപ്പിനൊടുവിലാണ് സംസ്ഥാനത്തിന്റെ സ്വപ്‌ന പദ്ധതിക്ക് ഔദ്യോഗിക തുടക്കം കുറിക്കുന്നത്. തുരങ്കം പൂര്‍ത്തിയാകുന്നതോടെ താമരശ്ശേരി ചുരം വഴിയുള്ള ഗതാഗത കുരുക്കിന് ശാശ്വത പരിഹാരമാകുമെന്നാണ് കരുതുന്നത്. 

വയനാട്, കോഴിക്കോട് ജില്ലകള്‍ക്ക് പുറമെ സംസ്ഥാനത്തിന്റെ മൊത്തം വികസന കുതിപ്പിന് തുരങ്കപാത നിര്‍ണായക പങ്ക് വഹിക്കുമെന്നാണ് പ്രതീക്ഷ. ഇന്ത്യയിലെ തന്നെ ഏറ്റവും ദൈര്‍ഘ്യമുള്ള മൂന്നാമത്തെ തുരങ്കപാതയായിരിക്കും ഇതെന്ന് മുഖ്യമന്ത്രി പറഞ്ഞു. പ്രകടന പത്രികയിലെ വാഗ്ദാനമാണ് തുരങ്കപാത. പല വാഗ്ദാനങ്ങളും ജനങ്ങള്‍ കണ്ടതാണ്. 2016ന് ശേഷം നല്‍കിയ വാഗ്ദാനങ്ങള്‍ നടപ്പാക്കപ്പെടുമെന്ന ശുഭപ്രതീക്ഷ ജനങ്ങള്‍ക്കുണ്ടായെന്നും ഉദ്ഘാടന പ്രസംഗത്തില്‍ മുഖ്യമന്ത്രി പറഞ്ഞു. 

ALSO READ: അമിത് ഷാക്കെതിരായ ആരോപണം; തൃണമൂല്‍ എംപി മഹുവ മൊയ്ത്രക്കെതിരെ എഫ്.ഐ.ആര്‍

കിഫ്ബി പദ്ധതിയില്‍ ഉള്‍പ്പെടുത്തി 2,134 കോടി രൂപ ചെലവഴിച്ചാണ് പാത നിര്‍മാണം. ഇന്ത്യയിലെ തന്നൈ ദൈര്‍ഘ്യമേറിയ മൂന്നാമത്തെ ട്വിന്‍ ട്യൂബ് ടണലാണ് നിര്‍മിക്കുന്നത്. മല തുരന്നുള്ള നിര്‍മ്മാണം നാലുവര്‍ഷംകൊണ്ട് പൂര്‍ത്തിയാകും. എട്ട് കിലോമീറ്ററും 73 മീറ്ററുമാണ് തുരങ്കപാതയുടെ ആകെ നീളം. പാത തുറക്കുന്നതോടെ വയനാട്ടിലേക്കുള്ള യാത്രാ സമയം ഒന്നര മണിക്കൂര്‍ ആയി കുറയും. കൊച്ചി- ബംഗളൂരു വാണിജ്യ ഇടനാഴിയുടെ ഭാഗമായ പാത വ്യവസായ മേഖലയിലും കുതുപ്പിന് കാരണമാകുമെന്നാണ് പ്രതീക്ഷിക്കുന്നത്. 

Anakkampoyil–Kalladi–Meppadi twin tunnel project has officially begun, with Kerala Chief Minister Pinarayi Vijayan inaugurating the construction work.