തിരുവനന്തപുരം: ദലിത് ചിന്തകനും, ആക്ടിവിസ്റ്റുമായ ഡോ. ടിഎസ് ശ്യാംകുമാറിനെതിരായ വേട്ടയാടല്‍ തുടര്‍ന്ന് സംഘപരിവാര്‍. ഹെല്‍മെറ്റ് കൊണ്ട് മുഖം മറച്ച വ്യക്തി വീട്ടില്‍ അതിക്രമിച്ചെത്തി അധിക്ഷേപിച്ചെന്നാണ് ശ്യാം കുമാറിന്റെ ആരോപണം. മുന്‍പ് ഇതേ വ്യക്തി തന്റെ കോണ്‍ടാക്ട് നമ്പറിനായി അന്വേഷിച്ച് നടന്നെന്നും ശ്യാം കുമാര്‍ പറഞ്ഞു. മുന്‍പ് തമിഴ്‌നാട്ടില്‍ വെച്ച് ഇദ്ദേഹത്തിനെതിരെ ആര്‍എസ്എസ് ആക്രമണമുണ്ടായിരുന്നു. 

ശ്യാം കുമാറിന്റെ ഫേസ്ബുക്ക് പോസ്റ്റ്

' സംഘികള്‍ അന്വേഷിച്ച് വീട്ടുപടിക്കല്‍ വരെ എത്തിയിരിക്കുന്നു. ഏതാനും ദിവസങ്ങള്‍ക്ക് മുന്‍പ് കോണ്‍ടാക്ട് നമ്പര്‍ അന്വേഷിച്ചാണ് വന്നതെങ്കില്‍, ഇന്ന് കാലത്ത് വീണ്ടും അതേ ആള്‍ എത്തുകയും മുഖം വ്യക്തമാകാതെയിരിക്കാന്‍ ഹെല്‍മറ്റ് വെച്ച് മറച്ച് അധിക്ഷേപ വാക്കുകള്‍ ചൊരിഞ്ഞ് ഓടിമറയുകയും ചെയ്തു. പൊലിസിനെ വിവരങ്ങള്‍ അറിയിച്ചിട്ടുണ്ട്.'

കഴിഞ്ഞമാസം തമിഴ്‌നാട് കുഴിത്തുറയില്‍ വെച്ച് നടത്തിയ പ്രഭാഷണം അലങ്കോലപ്പെടുത്താന്‍ ആര്‍എസ്എസ് ശ്രമിച്ചിരുന്നു. സനാതന ധര്‍മ്മത്തെ കുറിച്ചുള്ള പ്രഭാഷണം നടക്കുന്നതിനിടെയാണ് അദ്ദേഹത്തിന് നേരെ കയ്യേറ്റമുണ്ടായത്. സെമിനാറില്‍ സംസാരിച്ച് ഇറങ്ങവെ ഹിന്ദുന്തവ വാദികള്‍ റോഡില്‍ തടയുകയും തന്നെ ആക്രമിക്കാന്‍ ശ്രമിക്കുകയും ചെയ്തുവെന്ന് ശ്യാം കുമാര്‍ തന്നെയാണ് സോഷ്യല്‍ മീഡിയയിലൂടെ വെളിപ്പെടുത്തിയത്.

ALSO READ: സ്വപ്‌ന പദ്ധതിക്ക് തുടക്കം; ആനക്കാംപൊയില്‍-കള്ളാടി-മേപ്പാടി തുരങ്കപാതയുടെ നിര്‍മ്മാണ ഉദ്ഘാടനം നിര്‍വഹിച്ച് മുഖ്യമന്ത്രി

rss continues attack activist dr ts shyamkumar