പത്തനംതിട്ട: കെപിഎംഎസ് കുളനട യൂണിയൻ സംഘടിപ്പിക്കുന്ന അയ്യങ്കാളി ജയന്തി അവിട്ടാഘോഷ പരിപാടിയിൽ നിന്ന് രാഹുൽ മാങ്കൂട്ടത്തിൽ എംഎൽഎയെ മാറ്റി. പരിപാടിയുടെ ഉദ്ഘാടകനായാണ് രാഹുൽ മാങ്കൂട്ടത്തിലിനെ നിശ്ചയിച്ചിരുന്നത്. രാഹുലിനെ ഉൾപ്പെടുത്തി പോസ്റ്ററുകളും പുറത്തിറക്കിയിരുന്നു. 

സെപ്റ്റംബർ ആറിന് കുളനടയിൽ വെച്ചാണ് അയ്യങ്കാളി ജയന്തി അവിട്ടാഘോഷം നടക്കുന്നത്. ലെെം​ഗിക ആരോപണങ്ങളുടെ പശ്ചാത്തലത്തിലാണ് രാഹുൽ മാങ്കൂട്ടത്തിലിനെ മാറ്റാൻ തീരുമാനമായതെന്നാണ് വിവരം. പകരം ഡെപ്യൂട്ടി സ്പീക്കർ ചിറ്റയം ​ഗോപകുമാർ പരിപാടി ഉദ്ഘാടനം ചെയ്യും. ഇദ്ദേഹത്തെ ഉൾപ്പെടുത്തി പുതിയ പോസ്റ്ററുകൾ വിതരണം ചെയ്തു.

ലൈംഗികാരോപണങ്ങൾക്ക് പിന്നാലെ യൂത്ത് കോൺഗ്രസ് അധ്യക്ഷസ്ഥാനം രാജിവെച്ച രാഹുലിനെ പാലക്കാട് നഗരസഭയും പൊതുപരിപാടികളിൽ നിന്നും വിലക്കിയിരുന്നു. പാലക്കാട്ടെ ബസ് സ്റ്റാൻഡ് ഉദ്ഘാടന പരിപാടിയുടെ മുഖ്യാതിഥി രാഹുൽ ആയിരുന്നു. വിവാദങ്ങൾക്കിടെ പരിപാടിയിൽ പങ്കെടുക്കരുതെന്ന് ചൂണ്ടിക്കാട്ടി രാഹുലിന് ന​ഗരസഭ കത്തയക്കുകയും ചെയ്തിരുന്നു.

ALSO READ: സ്വപ്‌ന പദ്ധതിക്ക് തുടക്കം; ആനക്കാംപൊയില്‍-കള്ളാടി-മേപ്പാടി തുരങ്കപാതയുടെ നിര്‍മ്മാണ ഉദ്ഘാടനം നിര്‍വഹിച്ച് മുഖ്യമന്ത്രി 

Rahul Mankootathil MLA was excluded from the Ayyankali Jayanthi celebration organized by the KPMS Kulanada Union