ദുബൈ: ജനറല്‍ ഡയരക്ടറേറ്റ് ഓഫ് ഐഡന്റിറ്റി ആന്‍ഡ് ഫോറീനേഴ്‌സ് അഫയേഴ്‌സ് (ജി.ഡി.ആര്‍.എഫ്.എ ദുബൈ) ഭരണ മികവിനുള്ള അന്താരാഷ്ട്ര അവാര്‍ഡ് നേടി. ഗ്ലോബല്‍ ബാങ്കിങ് ആന്‍ഡ് ഫിനാന്‍സ് റിവ്യൂ ഏര്‍പ്പെടുത്തിയ 2025ലെ ബെസ്റ്റ് ഇന്‍സ്റ്റിറ്റിയൂഷനല്‍ ഗവേണന്‍സ് സര്‍ക്കാര്‍ മേഖലാ പുരസ്‌കാരമാണ് ജി.ഡി.ആര്‍.എഫ്.എ ദുബൈക്ക് ലഭിച്ചത്. ഇതാദ്യമായാണ് മിഡില്‍ ഈസ്റ്റിലെ ഒരു സര്‍ക്കാര്‍ സ്ഥാപനത്തിന് ഈ അംഗീകാരം ലഭിക്കുന്നത്.

 

 

ഇത് ദുബൈയുടെ ഭരണമികവും പൊതുസേവന മേഖലയിലെ നൂതന സമീപനവും ആഗോള തലത്തില്‍ ശ്രദ്ധേയമാക്കുന്നതാണ്. സ്ഥാപനത്തിന്റെ ഘടനാപരമായ വികസനത്തിനും മികച്ച ഭരണ തത്ത്വങ്ങള്‍ നടപ്പാക്കുന്നതിനും ജി.ഡി.ആര്‍.എഫ്.എ ദുബൈ പ്രതിജ്ഞാബദ്ധമാണ്. നേട്ടം എമിറേറ്റിലെ ദീര്‍ഘ വീക്ഷണമുള്ള ഭരണ നേതൃത്വത്തിന് സമര്‍പ്പിക്കുന്നുവെന്ന് ഡയരക്ടര്‍ ജനറല്‍ ലഫ്റ്റനന്റ് ജനറല്‍ മുഹമ്മദ് അഹ്മദ് അല്‍മര്‍റി പറഞ്ഞു. ഭരണ മികവിന്റെ ലോക മാതൃകയായി ഉയര്‍ത്തിക്കൊണ്ടുവരാന്‍ തങ്ങള്‍ സേവന സന്നദ്ധരാണെന്നും അദ്ദേഹം കൂട്ടിച്ചേര്‍ത്തു.

ഇതൊരു കൂട്ടായ പ്രയത്‌നത്തിന്റെ ഫലമാണെന്ന് ഇന്‍സ്റ്റിറ്റിയൂഷനല്‍ ഗവേണന്‍സ് ആന്‍ഡ് കോംപ്ലയന്‍സ് ഡയരക്ടര്‍ ഡോ. ഹനാന്‍ അബ്ദുല്ല അല്‍ മര്‍സൂഖി വ്യക്തമാക്കി. അന്താരാഷ്ട്ര നിലവാരത്തിലുള്ള നിയമങ്ങളും നടപടിക്രമങ്ങളും പാലിച്ചാണ് ജി.ഡി.ആര്‍.എഫ്.എ പ്രവര്‍ത്തിക്കുന്നതെന്നും ഇത് ദുബൈയിലെ സര്‍ക്കാര്‍ പ്രകടനത്തിന് സുസ്ഥിരത നല്‍കുന്നുണ്ടെന്നും അദ്ദേഹം വ്യക്തമാക്കി.
പ്രവര്‍ത്തന മികവുകള്‍ക്ക് ജി.ഡി.ആര്‍.എഫ്.എ ദുബൈ ഇതിനകം നിരവധി തദ്ദേശആഗോള അവാര്‍ഡുകള്‍ നേടിയിട്ടുണ്ട്. വിശ്വാസം വളര്‍ത്തിയെടുക്കാനും സ്ഥാപനപരമായ പ്രകടനം മെച്ചപ്പെടുത്താനും ജനങ്ങളെ സേവിക്കാനും കൂടുതല്‍ സുസ്ഥിര ഭാവി രൂപപ്പെടുത്താനും ശ്രദ്ധ കേന്ദ്രീകരിച്ചുള്ള സംയോജിത സര്‍ക്കാര്‍ മാതൃകയ്ക്കായുള്ള തുടര്‍ ശ്രമങ്ങളെ അംഗീകാരം എടുത്തുകാട്ടുന്നുവെന്നും ജനറല്‍ ഡയരക്ടറേറ്റ് വിശദീകരിച്ചു.

ALSO READ: ഗള്‍ഫിലും വില കുതിക്കുന്നു, സൗദിയില്‍ ഗ്രാമിന് 400 കടന്നു, എങ്കിലും പ്രവാസികള്‍ക്ക് ലാഭം; കേരളത്തിലെയും ഗള്‍ഫിലെയും സ്വര്‍ണവില ഒരു താരതമ്യം | Gold Price in GCC & Kerala

Dubai has once again set a benchmark for excellence. The General Directorate of Residency and Foreigners Affairs – Dubai (GDRFA Dubai) has been named the “Best in Institutional Governance – Government Sector 2025” by Global Banking & Finance Review, making it the first government entity in the Middle East ever to receive this prestigious honor.