ന്യൂഡല്‍ഹി: മോദി സര്‍ക്കാറിന്റെ ചരക്കുസേവന നികുതി (ജി.എസ്.ടി) പരിഷ്‌കരത്തില്‍ രൂക്ഷ വിമര്‍ശനവുമായി കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. 'ഒരു രാഷ്ട്രം ഒരു നികുതി' എന്നത് കേന്ദ്ര സര്‍ക്കാര്‍ 'ഒരു രാഷ്ട്രം ഒമ്പത് നികുതി' എന്നാക്കി മാറ്റിയെന്ന് ഖാര്‍ഗെ കുറ്റപ്പെടുത്തി.

ജി.എസ്.ടി ലളിതവത്കരിക്കണമെന്ന് ഒരു ദശാബ്ദക്കാലമായി കോണ്‍ഗ്രസ് ആവശ്യപ്പെടുകയാണെന്ന് അദ്ദേഹം ചൂണ്ടിക്കാട്ടി. ജി.എസ്.ടിയിലെ സങ്കീര്‍ണത നിരവധി ചെറുകിട, ഇടത്തരം സംരംഭങ്ങളേയും ബിസിനസുകളേയും ബാധിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു. 

'ജി.എസ്.ടി ലളിതവത്കരിക്കണമെന്ന് 10 വര്‍ഷം മുമ്പ് കോണ്‍ഗ്രസ് കേന്ദ്ര സര്‍ക്കാറിനോട് ആവശ്യപ്പെട്ടതാണ്. 'ഒരു രാഷ്ട്രം ഒരു നികുതി' എന്നത് 'ഒരു രാഷ്ട്രം ഒമ്പത് നികുതി' എന്നാക്കി മോദി സര്‍ക്കാര്‍ മാറ്റി. നികുതി ഘടനയെ 0%, 5%, 12%, 18%, 28% എന്നും 0.25%, 1.5%, 3%, 6% എന്നിങ്ങനെ പ്രത്യേക നിരക്കായും മാറ്റി -ഖാര്‍ഗെ എക്‌സില്‍ കുറിച്ചു.

लगभग एक दशक से, भारतीय राष्ट्रीय कांग्रेस, GST के सरलीकरण की माँग कर रही है।

मोदी सरकार ने “One Nation, One Tax” को "One Nation, 9 Taxes" बना दिया था।

जिसमें 0%, 5%, 12%, 18%, 28% के Tax Slabs शामिल थे और 0.25%, 1.5%, 3% व 6% की विशेष दरें थीं।

कांग्रेस पार्टी ने अपने…

— Mallikarjun Kharge (@kharge) September 4, 2025

2019ലെയും 2024ലെയും പ്രകടനപട്ടികയില്‍ പറഞ്ഞ പ്രകാരം ലളിതവും യുക്തിസഹവുമായ നികുതി സംവിധാനം നടപ്പാക്കേണ്ടതെന്ന് കോണ്‍ഗ്രസ് ആവശ്യപ്പെട്ടിരുന്നു. എം.എസ്.എം.ഇകളെയും ചെറുകിട വ്യാപാരങ്ങളെയും ബാധിക്കുമെന്ന് പരാതി ഉയര്‍ന്നതിനെ തുടര്‍ന്ന് ഘടന ലളിതവത്കരിക്കാന്‍ ആവശ്യപ്പെട്ടു.

2005 ഫെബ്രുവരി 28ന് കോണ്‍ഗ്രസ് നേതൃത്വം നല്‍കിയ യു.പി.എ സര്‍ക്കാറാണ് ജി.എസ്.ടി ലോക്‌സഭയില്‍ പ്രഖ്യാപിച്ചത്. 2011ല്‍ അന്നത്തെ ധനമന്ത്രിയായിരുന്ന പ്രണബ് കുമാര്‍ മുഖര്‍ജി ജി.എസ്.ടി ബില്‍ കൊണ്ടുവന്നെങ്കിലും ബി.ജെ.പി എതിര്‍ത്തു. മുഖ്യമന്ത്രിയായിരുന്ന മോദിയും ജി.എസ്.ടിയെ എതിര്‍ത്തു. എന്നാല്‍, ഇപ്പോള്‍ ജി.എസ്.ടി ആഘോഷിക്കുന്ന ബി.ജെ.പി സര്‍ക്കാര്‍, സാധാരണക്കാരില്‍ നിന്ന് നികുതി പിരിക്കുന്നതും അവരുടെ നേട്ടമായാണ് കാണുന്നത്- അദ്ദേഹം പരിഹസിച്ചു.യ 

ഇന്ത്യയുടെ ചരിത്രത്തില്‍ ആദ്യമായാണ് കര്‍ഷകര്‍ക്ക് മേല്‍ ജി.എസ്.ടി ചുമത്തുന്നത്. കാര്‍ഷികമേഖലയിലെ 36 സാധനങ്ങള്‍ക്കാണ് മോദി സര്‍ക്കാര്‍ നികുതി ചുമത്തിയിട്ടുള്ളതെന്നും ഖാര്‍ഗെ ചൂണ്ടിക്കാട്ടി.

രാജ്യത്തെ ജിഎസ്ടി (ഗുഡ്‌സ് ആന്‍ഡ് സര്‍വീസസ് ടാക്‌സ്) നിരക്കുകളില്‍ വമ്പന്‍ പരിഷ്‌കാരങ്ങള്‍ക്കാണ് ജിഎസ്ടി കൗണ്‍സില്‍ അംഗീകാരം നല്‍കിയത്. നിലവിലുള്ള പ്രധാന നാല് സ്ലാബുകള്‍ (5%, 12%, 18%, 28%) രണ്ട് സ്ലാബുകളായി (5%, 18%) ചുരുക്കാനാണ് തീരുമാനിച്ചിരിക്കുന്നത്.

സാധാരണക്കാരെ ലക്ഷ്യമിട്ടുള്ളതാണ് ഈ മാറ്റങ്ങള്‍ എന്നും ഇത് ഉപഭോഗം പ്രോത്സാഹിപ്പിക്കാനും വിലകുറയ്ക്കാനും സഹായിക്കുമെന്ന് പ്രതീക്ഷിക്കുന്നതായും കേന്ദ്ര ധനമന്ത്രി നിര്‍മല സീതാരാമന്‍ പറഞ്ഞു. ധനമന്ത്രിയുടെ അധ്യക്ഷതയില്‍ നടന്ന കൗണ്‍സില്‍ യോഗത്തിലാണ് ഈ തീരുമാനം. പുതിയ നിരക്കുകള്‍ സെപ്റ്റംബര്‍ 22 മുതല്‍ പ്രാബല്യത്തില്‍ വരും. 

രണ്ട് ദിവസത്തെ ജിഎസ്ടി കൗണ്‍സില്‍ യോഗത്തിന് ശേഷം മാധ്യമങ്ങളെ കാണുമെന്നാണ് നേരത്തെ ധനമന്ത്രാലയം അറിയിച്ചിരുന്നത്. എങ്കിലും ആദ്യ ദിവസം തന്നെ ധനമന്ത്രി നിര്‍മല സീതാരാമന്‍ അടിയന്തര വാര്‍ത്താസമ്മേളനം വിളിച്ച് പുതിയ ഇരട്ട നികുതി ഘടനയ്ക്ക് ജിഎസ്ടി കൗണ്‍സില്‍ അംഗീകാരം നല്‍കിയതായി പ്രഖ്യാപിക്കുകയായിരുന്നു.

ALSO READ: ജിഎസ്ടിയിൽ സമ​ഗ്ര അഴിച്ചുപണി: പുതിയ ഇരട്ട നികുതി ഘടനയ്ക്ക് അംഗീകാരം; സെപ്റ്റംബർ 22 മുതൽ പ്രാബല്യത്തിൽ