അബൂദബി: യു.എ.ഇ പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്‌യാന്റെ നിര്‍ദേശാനുസൃതം അഫ്ഗാനിസ്ഥാനിലേക്ക് ദുരിതാശ്വാസ സഹായ വിമാന സര്‍വിസ് തുടര്‍ന്ന് ജോയിന്റ് ഓപറേഷന്‍സ് കമാന്‍ഡ്. അഫ്ഗാന്റെ കിഴക്കന്‍ പ്രദേശങ്ങളിലുണ്ടായ ഭൂകമ്പത്തില്‍ ദുരിതമനുഭവിക്കുന്നവരെ പിന്തുണയ്ക്കാനും സഹായിക്കാനുമായി 40 ടണ്‍ ഭക്ഷണവും അടിസ്ഥാന വിഭവങ്ങളും പാര്‍പ്പിട സാമഗ്രികളും വഹിച്ചുള്ള വിമാനം ഇന്നലെയാണ് കാബൂളിലേയ്ക്ക് പറന്നുയര്‍ന്നത്.

കൂടാതെ, അഫ്ഗാന്‍ ജനതയെ പിന്തുണയ്ക്കാനും, ഭൂകമ്പത്തില്‍ ദുരിതമനുഭവിക്കുന്നവരുടെ പ്രയാസങ്ങള്‍ ലഘൂകരിക്കാനും; ഭക്ഷണം, പാര്‍പ്പിടം, മെഡിക്കല്‍ ഉത്പന്നങ്ങള്‍ എന്നിവയടങ്ങിയ അടിയന്തര മാനുഷിക സഹായ കപ്പല്‍ അയയ്ക്കാനും യു.എ.ഇ പ്രസിഡന്റ് നിര്‍ദേശം നല്‍കിയിട്ടുണ്ട്.
കഴിഞ്ഞ ബുധനാഴ്ച മുതല്‍ ജോയിന്റ് ഓപറേഷന്‍സ് കമാന്‍ഡ് ടീം അഫ്ഗാനിസ്ഥാനില്‍ ദൗത്യം നടത്തി വരികയാണ്.

പ്രകൃതി ദുരന്തങ്ങളും വിവിധ പ്രതിസന്ധികളും നേരിടുന്നവര്‍ക്ക് യു.എ.ഇ നല്‍കുന്ന അടിയന്തര ദുരിതാശ്വാസ പ്രതികരണത്തിന്റെ ഭാഗമാണ് ഈ സഹായ ശ്രമങ്ങള്‍. കൂടാതെ, ലോകമെമ്പാടുമുള്ള ആവശ്യക്കാര്‍ക്ക് സഹായ ഹസ്തം നീട്ടാനുള്ള രാജ്യത്തിന്റെ നിരന്തര താല്‍പര്യത്തിന്റെ പ്രകടനവും ഇത്തരം മാനുഷിക നീക്കങ്ങളില്‍ പ്രതിഫലിക്കുന്നു.

In implementation of the directives of President His Highness Sheikh Mohamed bin Zayed Al Nahyan, the Joint Operations Command continues to operate relief planes to Afghanistan.