അബൂദബി: ‘ഗോൾഡൻ ലിസ്റ്റ് ഓഫ് ഫുഡ് പ്രോഡക്ട്സ്’ പദ്ധതി ആരംഭിച്ച് അബൂദബി. ഇതുവഴി, മികച്ച റെക്കോർഡുള്ള ഭക്ഷ്യ ഉൽപ്പന്നങ്ങൾക്ക് എമിറേറ്റിന്റെ അതിർത്തികളിൽ വേഗത്തിൽ പ്രവേശനം ലഭിക്കും. 

ഈ പട്ടികയിൽ ഉൾപ്പെടുന്ന ഉൽപ്പന്നങ്ങളുടെ കമ്പനികൾക്ക്, ലബോറട്ടറി പരിശോധനകളിലൂടെ സ്റ്റാൻഡേർഡ് സ്പെസിഫിക്കേഷനുകളും അംഗീകൃത സാങ്കേതിക നിയന്ത്രണങ്ങളും പാലിക്കുന്നുണ്ടെന്ന് തെളിയിക്കാനായാൽ, പ്രീ റിലീസിന് മുൻഗണന ലഭിക്കും.

ഭക്ഷ്യസുരക്ഷാ മാനദണ്ഡങ്ങളിൽ വിട്ടുവീഴ്ച ചെയ്യാതെ, കാത്തിരിപ്പ് സമയം, കസ്റ്റംസ് ക്ലിയറൻസ്, ഇറക്കുമതിക്കാരുടെ ചെലവുകൾ എന്നിവ കുറയ്ക്കുന്നതിലൂടെ ഈ ഉൽപ്പന്നങ്ങൾക്ക് നേരിട്ട് പ്രാദേശിക വിപണിയിൽ പ്രവേശിക്കാനാവും.

ALSO READ: മുഹമ്മദ് ബിൻ സലേം റോഡിലെ ട്രാഫിക് ഓക്കെ ആണോ? നേരിട്ടെത്തി പരിശോധിച്ച് റാസ് അൽ ഖൈമ പൊലിസ് മേധാവി

ഭക്ഷ്യ ഉൽപ്പന്നങ്ങൾ ഗോൾഡൻ ലിസ്റ്റിൽ ഉൾപ്പെടുത്താനുള്ള മാനദണ്ഡങ്ങൾ:

1) ഉൽപ്പന്നത്തിന്റെ തുടർച്ചയായ അഞ്ച് ഷിപ്പ്മെന്റുകൾ അംഗീകൃത സ്റ്റാൻഡേർഡ് സ്പെസിഫിക്കേഷനുകളും സാങ്കേതിക നിയന്ത്രണങ്ങളും പാലിച്ചിരിക്കണം.

2) ഉൽപ്പന്നം നിർമ്മിച്ച രാജ്യം അംഗീകരിച്ച ആരോഗ്യ സർട്ടിഫിക്കറ്റ് ഉണ്ടായിരിക്കണം.

3) ഷിപ്പ്മെന്റ് എത്തുന്നതിന് 24 മണിക്കൂർ മുമ്പ് “അറ്റ്‌ലാബ്” എന്ന അഡ്വാൻസ്ഡ് ട്രേഡ് ആൻഡ് ലോജിസ്റ്റിക്സ് പ്ലാറ്റ്ഫോം വഴി ഇറക്കുമതിക്കുള്ള അപേക്ഷ സമർപ്പിച്ചിരിക്കണം.

4) രേഖകളുടെ മുൻകൂർ ഓഡിറ്റ് മതി, ദൃശ്യ പരിശോധനയോ സാമ്പിൾ എടുക്കലോ ആവശ്യമില്ല.

ALSO READ: പ്രകൃതി ദുരന്തങ്ങളെ പ്രതിരോധിക്കാൻ സഊദി; രാജ്യത്തുടനീളം 300-ലധികം ഭൂകമ്പ, അഗ്നിപർവ്വത നിരീക്ഷണ കേന്ദ്രങ്ങൾ സ്ഥാപിച്ചു

ഗോൾഡൻ ലിസ്റ്റിൽ ഉൾപ്പെടുത്തിയിട്ടുള്ള ഒരു ഉൽപ്പന്നവുമായി ബന്ധപ്പെട്ട്,  എന്തെങ്കിലും ലംഘനങ്ങൾ കണ്ടെത്തിയാൽ, അത് ഉടനടി പട്ടികയിൽ നിന്ന് നീക്കം ചെയ്യുകയും സാധാരണ നടപടിക്രമങ്ങൾക്ക് വിധേയമാക്കുകയും ചെയ്യും.

അബൂദബി കസ്റ്റംസുമായി സഹകരിച്ച് അബൂദബി കൃഷി, ഭക്ഷ്യ സുരക്ഷാ അതോറിറ്റിയാണ് ഈ സംരംഭം ആരംഭിച്ചത്. ഉയർന്ന ഭക്ഷ്യ സുരക്ഷാ മാനദണ്ഡങ്ങൾ നിലനിർത്തിക്കൊണ്ട് വ്യാപാര പ്രവാഹം വർധിപ്പിക്കുന്നതിനും ബിസിനസ് അന്തരീക്ഷം മികച്ചതാക്കാനുമാണ് ഇതിലൂടെ ലക്ഷ്യമിടുന്നത്. 

Abu Dhabi has introduced the 'Golden List of Food Products' initiative, aimed at expediting customs clearance for food products with a strong compliance record. The program, launched by the Abu Dhabi Agriculture and Food Safety Authority (ADAFSA) and Abu Dhabi Customs, allows pre-cleared products to enter the local market directly without physical inspections or sampling.