കോട്ടയം: ഡൽഹി മുൻ മുഖ്യമന്ത്രിയും ആം ആദ്മി പാർട്ടി നേതാവുമായ അരവിന്ദ് കെജ്‌രിവാൾ കേരളത്തിൽ. ആയുർവേദ ചികിത്സക്കായാണ് കെജ്‌രിവാൾ കേരളത്തിലെത്തിയത്. പ്രമേഹത്തിനും വിട്ടുമാറാത്ത ചുമക്കുമാണ് ചികിത്സ. 10 ദിവസം കേരളത്തിൽ ചികിത്സയിൽ ഉണ്ടാകും. പൂർണമായും ചികിത്സയിലായിരുന്ന അദ്ദേഹം മറ്റു രാഷ്ട്രീയ പരിപാടികളിലോ യോഗങ്ങളിലോ പങ്കെടുക്കില്ലെന്നാണ് വിവരം.

കോട്ടയം കാഞ്ഞിരപ്പള്ളി പാറത്തോട്ടിൽ മടുക്കക്കുഴി ആയുർവേദ ആശുപത്രിയിലാണ് അരവിന്ദ് കെജ്‌രിവാൾ ചികിത്സ നടത്തുന്നത്. ബുധനാഴ്ച രാത്രി ഏഴോടെയാണ് അദ്ദേഹം കാഞ്ഞിരപ്പള്ളിയിൽ എത്തിയത്. ആശുപത്രിയിൽ പൊലിസ് സുരക്ഷാ ഒരുക്കിയിട്ടുണ്ട്. ഇന്നലെ ഉച്ച മുതൽ കാഞ്ഞിരപ്പള്ളിയിലും പരിസര പ്രദേശത്തും പൊലിസ് നിരീക്ഷണത്തിലാണ്.

ALSO READ: രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ മാത്രമല്ല, ഈ കുഞ്ഞന്‍ വിത്തിന് ആറു ഗുണങ്ങള്‍ കൂടിയുണ്ട്; ദിവസവും ഭക്ഷണത്തില്‍ ഉള്‍പ്പെടുത്തിക്കോളൂ..!

അസാധാരണമായി ഉയരുന്ന രക്തത്തിലെ പഞ്ചസാരയുടെ അളവും സ്ഥിരമായ ചുമയും മൂലം അരവിന്ദ് കെജ്‍രിവാൾ ഏറെ നാളായി ബുദ്ധിമുട്ട് അനുഭവിക്കുണ്ട്. മടുക്കക്കുഴി ആയുർവേദ ആശുപത്രിയിലെ ചികിത്സയ്ക്ക് ശേഷം അദ്ദേഹം ഡൽഹിയിലേക്ക് മടങ്ങും.