ഖത്തർ: ഫാമിലി റെസിഡൻഷ്യൽ ഏരിയകളിൽ നടത്തിയ പരിശോധനയിൽ മുനിസിപ്പൽ ചട്ടങ്ങൾ ലംഘിക്കുന്ന 10 കെട്ടിടങ്ങൾ കണ്ടെത്തി. ഈ സാഹചര്യത്തിൽ അനധികൃത പാർട്ടീഷനുകൾക്കെതിരെ കർശന നടപടികളുമായി രം​ഗത്തെത്തിയിരിക്കുകയാണ് ഖത്തർ. ദോഹ മുനിസിപ്പാലിറ്റി, ഖത്തർ ജനറൽ ഇലക്ട്രിസിറ്റി ആൻഡ് വാട്ടർ കോർപ്പറേഷൻ (കഹ്റാമ), ആഭ്യന്തര മന്ത്രാലയത്തിന്റെ ക്രിമിനൽ ഇൻവെസ്റ്റിഗേഷൻ വിഭാഗം എന്നിവർ സംയുക്തമായി നടത്തിയ പരിശോധനയിലാണ് ​ഗുരുതരമായ ലംഘനങ്ങൾ കണ്ടെത്തിയത്.

ALSO READ: റിയാദിൽ റെസിഡൻഷ്യൽ ഭൂമി വാങ്ങുന്നവർക്ക് ഇനി പുതിയ പ്ലാറ്റ്‌ഫോം

കുടുംബങ്ങൾക്ക് മാത്രം താമസിക്കാനുള്ള വില്ലകളിൽ അനധികൃത പാർട്ടീഷനുകളും തൊഴിലാളികളെ പാർപ്പിക്കൽ പോലുള്ള ക്രമക്കേടുകളും കണ്ടെത്തി. രാജ്യത്ത് കെട്ടിടങ്ങൾ നിയമവിരുദ്ധമായി പാർട്ടീഷൻ ചെയ്യുന്നതിനും ലൈസൻസ് ഇല്ലാതെ ഘടനാപരമായ മാറ്റങ്ങൾ വരുത്തുന്നതിനുമെതിരെ ദോഹ മുനിസിപ്പാലിറ്റി ബോധവത്കരണ പ്രവർത്തനങ്ങൾ ശക്തമാക്കി. നഗരത്തിന്റെ വാസ്തുവിദ്യാ സവിശേഷതകൾ സംരക്ഷിക്കുകയും താമസക്കാരുടെ സുരക്ഷ ഉറപ്പാക്കുകയും ചെയ്യുക എന്നതാണ് ഈ നടപടികളുടെ ലക്ഷ്യമെന്ന് അധികൃതർ വ്യക്തമാക്കി.

Inspections conducted in family residential areas found 10 buildings that violated municipal regulations.