വടക്കാഞ്ചേരി (തൃശൂര്‍):  കെ.എസ്.യു പ്രവര്‍ത്തകരെ മുഖംമൂടി ധരിപ്പിച്ച് കോടതിയിലെത്തിച്ച സംഭവത്തില്‍ വടക്കാഞ്ചേരി എസ്.എച്ച്.ഒ യു.കെ ഷാജഹാനെ സ്ഥലം മാറ്റി. പൊലിസ് ആസ്ഥാനത്തേക്കാണ് സ്ഥലം മാറ്റിയത്. 

തൃശൂരിലെ മുള്ളൂര്‍ക്കരയില്‍ കെ.എസ്.യു- എസ്.എഫ്.ഐ പ്രവര്‍ത്തകര്‍ തമ്മിലുണ്ടായ സംഘര്‍ഷത്തിന്റെ പശ്ചാത്തലത്തിലാണ് കെ.എസ്.യു പ്രവര്‍ത്തകരെ മാത്രം പൊലിസ് കസ്റ്റഡിയിലെടുത്തത്. കൊടുകുറ്റവാളികളെപ്പോലെ കറുത്ത തുണികൊണ്ട് തലമൂടിയും കൈവിലങ്ങ് അണിയിച്ചുമാണ് പൊലിസ് ഇവരെ കോടതിലെത്തിച്ചത്. 

കെ.എസ്.യു ജില്ലാ വൈസ് പ്രസിഡന്റ് ഗണേശ് ആറ്റൂര്‍, ജില്ലാ കമ്മിറ്റിയംഗം അല്‍ അമീന്‍, കിള്ളിമംഗലം ആര്‍ട്‌സ് കോളജ് യൂണിറ്റ് പ്രസിഡന്റ് കെ.എ അസ് ലം എന്നിവരെയാണ് കറുത്ത തുണികൊണ്ച് മൂടി കോടതിയിലെത്തിയത്. ഇവരെ വൈദ്യപരിശോധനയ്ക്ക് കൊണ്ടുപോയതും മുഖംമൂടിയിട്ടാണ്. 

പൊലിസ് നടപടിയെ വിമര്‍ശിച്ച മജിസ്‌ട്രേറ്റ് ഇതുസംബന്ധിച്ചു വടക്കാഞ്ചേരി എസ്.എച്ച്.ഒ ഷാജഹാനോട് ജില്ലാ പൊലിസ് മേധാവി വഴി തിങ്കളാഴ്ച റിപ്പോര്‍ട്ട് സമര്‍പ്പിക്കാന്‍ നിര്‍ദ്ദേശിച്ചിരുന്നു.