ഗോൾഫിൽ നടന്ന ഒരു വിചിത്രമായ സംഭവമാണ് ഇപ്പോൾ കായിക ലോകത്ത് ശ്രദ്ധ നേടുന്നത്. യുഎസ്എയിൽ ബിഎംഡബ്ല്യു ചാമ്പ്യൻഷിപ്പ് ഗോൾഫ് ടൂർണമെന്റിൽ ഇംഗ്ലണ്ട് ഗോൾഫ് താരമായ ടോമി ഫ്ലീറ്റ്‌വുഡാണ് അത്ഭുതകരമായ സംഭവത്തിലൂടെ വിജയം കൈപ്പിടിയിലാക്കിയത്. മത്സരത്തിൽ ടോമി ഫ്ലീറ്റ്‌വുഡിനെ വിജയിപ്പിച്ചത് ഒരു ഈച്ചയാണെന്നുള്ളതാണ് ഏറെ ശ്രദ്ധേയമായത്.

ഇംഗ്ലീഷ് താരം താരം ബോൾ കൃത്യമായി ദ്വാരത്തിലേക്ക് വീഴ്ത്താനായി ഷോട്ട് എടുത്തു. എന്നാൽ ബോൾ ദ്വാരത്തിന്റെ വളരെ അടുത്തെത്തി നിൽക്കുകയായിരുന്നു. ബോൾ ദ്വാരത്തിലേക്ക് വീഴില്ലെന്ന് എല്ലാവരും ഉറച്ചു വിശ്വസിച്ചു. എന്നാൽ പിനീടാണ് ഈ അത്ഭുതകരമായ സംഭവം നടന്നത്. 

കുറച്ചുനിമിഷം നിശ്ചലമായ പന്ത് പിന്നീട് ദ്വാരത്തിലേക്ക് വീഴുകയായിരുന്നു. ഈച്ച പന്തിന്റെ മുകളിലൂടെ പറന്നപ്പോൾ ബോൾ പതുക്കെ ദ്വാരത്തിലേക്ക് വീണു. ഇതിന്റെ റീപ്ലേ പരിശോധിച്ചപ്പോഴാണ് ഇത് വ്യക്തമായത്. സംഭവത്തിന്റെ വീഡിയോ ഇതിനോടകം തന്നെ സോഷ്യൽ മീഡിയയിൽ വൈറൽ ആയിരിക്കുകയാണ്. 

 

ഗോൾഫിന്റെ ഒഫീഷ്യൽ നിയമപ്രകാരം ഒരു പന്ത് ദ്വാരത്തിന്റെ എത്തി അത് സ്വാഭാവികമായി വീഴുന്നുണ്ടോ എന്ന് നോക്കാനായി ഏകദേശം 10 സെക്കന്റ് സമയമാണ് അനുവദിച്ചിട്ടുള്ളത്. എന്നാൽ പന്ത് നിശ്ചലമായതിന് ശേഷവും ഈച്ച വന്നതിന് ശേഷവും 10 സെക്കൻഡ് മുമ്പ് തന്നെ ബോൾ ദ്വാരത്തിലേക്ക് വീഴുകയായിരുന്നു.  ഇതോടെ ടോമി ടൂർണമെന്റിൽ വലിയ നേട്ടമാണ് സ്വന്തമാക്കിയത്. ടൂർണമെന്റിൽ നാലാം സ്ഥാനത്താണ് ഇംഗ്ലീഷ് താരം ഫിനിഷ് ചെയ്തത്.

A strange incident in golf is currently gaining attention in the sports world. English golfer Tommy Fleetwood achieved victory in the BMW Championship golf tournament in the USA through a miraculous event.