ഫ്രാൻസ് ഫുട്ബോൾ താരം സാമുവൽ ഉംറ്റിറ്റി ഫുട്ബോളിൽ നിന്നും വിരമിക്കൽ പ്രഖ്യാപിച്ചു. തന്റെ 31ാം വയസിലാണ് താരത്തിന്റെ വിരമിക്കൽ പ്രഖ്യാപനം. നിലവിൽ ഫ്രഞ്ച് ക്ലബ് ലില്ലെയുടെ താരമായിരുന്നു ഉംറ്റിറ്റി. രണ്ട് സീസണുകളിലായി വെറും 13 മത്സരങ്ങളിൽ മാത്രമാണ് താരത്തിന് കളിക്കാൻ സാധിച്ചിരുന്നുള്ളൂ. ടീമിനൊപ്പമുള്ള അവസാന സീസണുകളിൽ താരം പരുക്കിന്റെ പിടിയിലുമായിരുന്നു. കാമറൂണിൽ ജനിച്ച ഉംറ്റിറ്റി ഫ്രാൻസിലേക്ക് താമസം മാറുകയായിരുന്നു. ഇവിടെ നിന്നാണ് താരം ഫ്രഞ്ച് ഫുട്ബോളിൽ തന്റെ പ്രതിഭ അടയാളപ്പെടുത്തിയത്. 

ഫ്രാൻസിനായി 31 മത്സരങ്ങളിലായാണ് ഉംറ്റിറ്റി കളത്തിൽ ഇറങ്ങിയത്. 2018 ഫിഫ ലോകകപ്പ് നേടിയ ഫ്രഞ്ച് ടീമിലെ അംഗമായിരുന്നു ഉംറ്റിറ്റി. ആ ലോകകപ്പിൽ ഫ്രാൻസ് പ്രതിരോധത്തിൽ റാഫേൽ വരാനെക്കൊപ്പം മികച്ച പ്രകടനമാണ് ഉംറ്റിറ്റി പുറത്തെടുത്തത്. സെമി ഫൈനലിൽ ബെൽജിയത്തിനെതിരെ താരം ഗോൾ നേടിയിരുന്നു. ഈ ഒറ്റ ഗോളിന്റെ പിൻബലത്തിലാണ് ഫ്രാൻസ് ഫൈനലിലേക്ക് മുന്നേറിയത്. 

ക്ലബ് ഫുട്ബോളിൽ സ്പാനിഷ് വമ്പന്മാരായ ബാഴ്‌സലോണയ്ക്ക് വേണ്ടി ഏഴു വർഷത്തോളം പന്ത് തട്ടാൻ ഉംറ്റിറ്റിക്ക് സാധിച്ചിട്ടുണ്ട്. 2016ൽ ബാഴ്സയിൽ എത്തിയ ഉംറ്റിറ്റി രണ്ട് ലാ ലിഗ കിരീടങ്ങളും, മൂന്ന് കോപ്പ ഡെൽറേ കിരീടങ്ങളും നേടിയിട്ടുണ്ട്. 134 മത്സരങ്ങളിലാണ് താരം സ്പാനിഷ് ക്ലബ്ബിനായി കളിച്ചത്. ബാഴ്സലോണക്കായി ഏറ്റവും കൂടുതൽ മത്സരങ്ങൾ കളിച്ച അഞ്ചാമത്തെ ഫ്രഞ്ച് താരം കൂടിയാണ് ഉംറ്റിറ്റി. ബാഴ്സക്ക് പുറമെ ഇറ്റാലിയൻ ക്ലബ് ലെലെസെയ്‌ക്ക് വേണ്ടിയും താരം കളിച്ചിട്ടുണ്ട്. 

French footballer Samuel Umtiti has announced his retirement from football. The player announced his retirement at the age of 31. Umtiti has played 31 times for France. He was a member of the French team that won the 2018 FIFA World Cup. He played well in the French defense alongside Raphael Varane.