വയനാട്: സഹപ്രവർത്തകയായ വനിതാ ബീറ്റ് ഫോറസ്റ്റ് ഓഫീസറെ പീഡിപ്പിക്കാൻ ശ്രമിച്ചതിന് വയനാട് സൗത്ത് ഫോറസ്റ്റ് ഡിവിഷനിലെ സുഗന്ധഗിരി സെക്ഷൻ ഫോറസ്റ്റ് ഓഫീസർ രതീഷ് കുമാറിനെതിരെ (36) പ്രതിയുടെ തന്നെ ശബ്ദരേഖ പുറത്തുവന്നു. പരാതി പിൻവലിക്കാൻ രതീഷ് കുമാർ സമ്മർദം സഹപ്രവർത്തകയായ ഫോറസ്റ്റ് ഓഫീസറുടെ മേൽ സമ്മർദം ചെലുത്തുന്ന സംഭാഷണമാണ് പുറത്ത് വന്നത്. "തെറ്റ് പറ്റിപ്പോയി, നാറ്റിക്കരുത്" എന്നും, കേസ് പിൻവലിച്ചാൽ "എന്ത് ചെയ്യാനും തയ്യാറാണ്" എന്നും പ്രതി പറയുന്ന ശബ്ദരേഖയാണ് പുറത്ത് വന്നിരിക്കുന്നത്. അതിജീവിതയ്ക്ക് പണം വാഗ്ദാനം ചെയ്ത് കേസിൽ സ്വാധീനിക്കാനും ശ്രമിക്കുന്നതായി ശബ്​ദരേഖയിൽ വ്യക്തമാണ്.

ALSO READ: പീച്ചി കസ്റ്റഡി മർദനം: മുൻ എസ്ഐ പി.എം. രതീഷിന് സസ്പെൻഷൻ

ഈ മാസം ഒന്നാം തീയതി രാത്രി സുഗന്ധഗിരി ഫോറസ്റ്റ് ഓഫീസിൽ നടന്ന സംഭവമാണ് പരാതിക്ക് കാരണം. രാത്രി ഡ്യൂട്ടിയിലായിരുന്ന വനിതാ ഉദ്യോഗസ്ഥയുടെ മുറിയിൽ രതീഷ് കുമാർ അതിക്രമിച്ച് പ്രവേശിക്കുകയും പീഡനം നടത്താൻ ശ്രമിക്കുകയായിരുന്നു. ഡ്യൂട്ടി കഴിഞ്ഞ് വീട്ടിലേക്ക് മടങ്ങിയ ഇയാൾ വീണ്ടും ഓഫീസിലേക്ക് തിരിച്ചെത്തിയാണ് സഹപ്രവർത്തകയ്ക്ക് നേരെ അതിക്രമം നടത്തിയത്. ഭയന്ന് ഉച്ചത്തിൽ നിലവിളിച്ച് ഓഫീസിൽ നിന്ന് ഇറങ്ങി ഓടിയത് കൊണ്ടാണ് വനിതാ ഓഫീസർ രക്ഷപ്പെട്ടത്. സംഭവത്തിന് പിന്നാലെ അതേ ദിവസം തന്നെ വനംവകുപ്പിലും പടിഞ്ഞാറത്തറ പൊലിസിലും പരാതി നൽകിയിരുന്നു.

ALSO READ: ശസ്ത്രക്രിയയ്ക്കിടെ യുവതിയുടെ നെഞ്ചിൽ ഗൈഡ് വയർ കുടുങ്ങിയ സംഭവം നിയമസഭയിൽ; ആരോപണ വിധേയനായ ​​ഡോക്ടർക്കെതിരെ മൗനം പാലിച്ച് ആരോ​ഗ്യമന്ത്രി

ശബ്ദരേഖയിൽ രതീഷ് കുമാർ തന്റെ തെറ്റ് സമ്മതിക്കുന്നത് വ്യക്തമാണ്. "നിന്റെ മുഖം നോക്കാൻ പോലും കഴിയുന്നില്ല. തെറ്റ് പറ്റി, ഇത് ഒത്തുതീർപ്പാക്കാൻ വഴി കണ്ടെത്തൂ" എന്ന് രതീഷ് കുമാർ പറയുന്നുണ്ട്. എന്നാൽ, "എനിക്ക് നേരിട്ട അപമാനത്തിന് ആര് മറുപടി പറയും?" എന്ന് സഹപ്രവർത്തക ചോദിക്കുന്നതും കേൾക്കാം, തനിക്ക് നേരിട്ട മാനസിക പ്രശ്നങ്ങൾക്ക് ആര് ഉത്തരവാദിയാകുമെന്നും ചോദിക്കുന്നുണ്ട്.

ALSO READ: സഹപ്രവർത്തകയെ പീഡിപ്പിക്കാൻ ശ്രമിച്ച ഫോറസ്റ്റ് ഓഫീസറുടെ ശബ്ദരേഖ പുറത്ത്; പരാതി പിൻവലിക്കാൻ സമ്മർദം

സംഭവത്തിൽ പരാതി ലഭിച്ചതിനെത്തുടർന്ന് പടിഞ്ഞാറത്തറ പൊലിസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. എന്നാൽ ഇതുവരെ അറസ്റ്റ് ഉണ്ടായിട്ടില്ല. വനംവകുപ്പിന്റെ ഇന്റേണൽ കംപ്ലെയിൻസ് കമ്മിറ്റി (ഐസിസി) നടത്തിയ പ്രാഥമിക അന്വേഷണത്തിൽ പരാതിക്ക് സാധുതയുണ്ടെന്ന് കണ്ടെത്തിയിരുന്നു. ഇതിന്റെ അടിസ്ഥാനത്തിൽ രതീഷ് കുമാറിനെ സുഗന്ധഗിരിയിൽ നിന്ന് കൽപ്പറ്റ റേഞ്ചിലേക്ക് സ്ഥലംമാറ്റൽ നടപടി മാത്രമാണ് സ്വീകരിച്ചത്. പൊലിസ് അന്വേഷണം തുടരുകയാണ്.

A leaked audio reveals Sugandhagiri Section Forest Officer Ratheesh Kumar pressuring a female colleague to withdraw her complaint against him for an attempted assault at the Wayanad forest office. The incident, reported last week, prompted his transfer to Kalpetta as police and forest department investigations continue