2025-2026 അധ്യയന വർഷം ആരംഭിച്ചതോടെ, ഇന്ന് (16/09/2025) രാവിലെ കുവൈത്തിലെ റോഡുകളിൽ വലിയ തിരക്ക് അനുഭവപ്പെട്ടു. ഗതാഗത പ്രവാഹം നിരീക്ഷിക്കുന്നതിനും വാഹനങ്ങളുടെ സുഗമമായ സഞ്ചാരം ഉറപ്പാക്കുന്നതിനുമായി ആഭ്യന്തര മന്ത്രാലയത്തിന്റെ ആക്ടിംഗ് അണ്ടർസെക്രട്ടറി മേജർ ജനറൽ അലി അൽ-അദ്വാനി ഒരു മേഖലാ പര്യടനം നടത്തി. ഒന്നാം ഉപ പ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ-യൂസഫിന്റെ നിർദേശപ്രകാരമായിരുന്നു ഈ നടപടി. 

ALSO READ: ഈ ദിവസം മുതൽ ഏഷ്യയിലെ പ്രമുഖ ലക്ഷ്യ സ്ഥാനത്തേക്ക് സർവിസ് ആരംഭിച്ച് എയർ അറേബ്യ

ഗതാഗത തിരക്ക് കുറയ്ക്കുന്നതിനും വിദ്യാർത്ഥികൾക്ക് സ്കൂളുകളിൽ എളുപ്പത്തിൽ എത്തിച്ചേരുന്നതിനും, റോഡുകളിലെ ലംഘനങ്ങളോ അനുചിതമായ പെരുമാറ്റങ്ങളോ കർശനമായി നേരിടുന്നതിനും ഗതാഗത, സുരക്ഷാ നടപടികൾ കൃത്യമായി നടപ്പിലാക്കേണ്ടതിന്റെ പ്രാധാന്യം അദ്ദേഹം ചൂണ്ടിക്കാട്ടി. 

ഗതാഗത ഉദ്യോഗസ്ഥരുടെയും നേതാക്കളുടെയും മേഖലയിലെ സാന്നിധ്യം വർധിപ്പിക്കേണ്ടതിന്റെ ആവശ്യകത അദ്ദേഹം വ്യക്തമാക്കി. ഗതാഗതം നേരിട്ട് നിരീക്ഷിക്കാനും അടിയന്തര സാഹചര്യങ്ങൾ വേഗത്തിൽ കൈകാര്യം ചെയ്യാനും‌ ഇത് സഹായിക്കും. ഹൈവേകൾ, കവലകൾ, സ്കൂളുകൾക്ക് സമീപമുള്ള റെസിഡൻഷ്യൽ ഏരിയകൾ എന്നിവയിൽ നിരീക്ഷണം ശക്തമാക്കാനും, സ്കൂളുകൾക്ക് മുന്നിലെ ക്രമരഹിതമായ പാർക്കിംഗ് തടയാനുമുള്ള നടപടികളും സ്വീകരിക്കുന്നുണ്ട്.

ALSO READ: ഭക്ഷണപ്രേമികളെ, ഒരുങ്ങിക്കൊള്ളൂ! നാവിൽ കൊതിയൂറും രുചി വൈവിധ്യങ്ങളുമായി മിഷെലിൻ ഗൈഡ് ഫുഡ് ഫെസ്റ്റിവൽ 2025 നവംബർ 21 മുതൽ 23 വരെ

രക്ഷിതാക്കളോടും വിദ്യാർത്ഥികളോടും ട്രാഫിക് ഉദ്യോഗസ്ഥരുമായി പൂർണമായി സഹകരിക്കാനും റോഡ് നിയമങ്ങൾ പാലിക്കാനും അൽ-അദ്വാനി ആഹ്വാനം ചെയ്തു. ഈ നടപടി ഗതാഗതം കൂടുതൽ സുഗമമാക്കാൻ സഹായിക്കുമെന്ന് അദ്ദേഹം വ്യക്തമാക്കി. ഉത്തരവാദിത്തങ്ങൾ കാര്യക്ഷമമായി നിർവഹിക്കാനുള്ള ആഭ്യന്തര മന്ത്രാലയത്തിലെ ഉദ്യോഗസ്ഥരുടെ കഴിവിൽ അദ്ദേഹം ആത്മവിശ്വാസം പ്രകടിപ്പിച്ചു. ടീം വർക്കും സഹകരണവുമാണ് വിജയത്തിന്റെ അടിസ്ഥാനമെന്നും അദ്ദേഹം കൂട്ടിച്ചേർത്തു.

 The first day of the 2025-2026 school year brought heavy traffic to Kuwait's roads. To manage the congestion, Major General Ali Al-Adwani, Acting Undersecretary of the Ministry of Interior, conducted a field inspection tour. He emphasized the importance of implementing traffic and security measures to reduce congestion and ensure students' safe arrival at schools ¹.