തിരുവനന്തപുരം: സംസ്ഥാന മുന്‍ ഡി.ജി.പി ജേക്കബ് തോമസ് ആര്‍.എസ്.എസില്‍ സജീവമാകുന്നു. വിജയദശമി ദിവസം ഗണവേഷം ധരിച്ച് ആര്‍.എസ്.എസ് പദസഞ്ചലനത്തില്‍ പങ്കെടുക്കും. 

സര്‍വീസില്‍ നിന്ന് വിരമിച്ച ശേഷം 2021-ല്‍ ബി.ജെ.പിയില്‍ ചേര്‍ന്ന ജേക്കബ് തോമസ്, സന്നദ്ധസേവനത്തിന് കൂടുതല്‍ നല്ലത് ആര്‍.എസ്.എസാണെന്ന് മാധ്യമങ്ങളോട് പറഞ്ഞു. 

എറണാകുളം ജില്ലയിലെ പള്ളിക്കരയില്‍ നടക്കുന്ന വിജയദശമി ദിനത്തിലെ പദസഞ്ചസനത്തിലാണ് ജേക്കബ് തോമസ് ആര്‍.എസ്.എസിന്റെ യൂണിഫോമായ ഗണവേഷം( വെള്ള ഷര്‍ട്ടും കാക്കി പാന്റും തൊപ്പിയും) ധരിച്ച് പങ്കെടുക്കുക.

പദവികളൊന്നും ആഗ്രഹിക്കുന്നില്ലെന്നും മുഴുവന്‍ സമയ പ്രവര്‍ത്തനമാണ് ലക്ഷ്യമെന്നും അദ്ദേഹം പറഞ്ഞു. 

2021 ലാണ് ജേക്കബ് തോമസ് ബി.ജെ.പി പാര്‍ട്ടി അംഗത്വം സ്വീകരിച്ചത്. ഇരിങ്ങാലക്കുട നിയമസഭാ മണ്ഡലത്തില്‍ ബി.ജെ.പി സ്ഥാനാര്‍ഥിയായി മത്സരിച്ച് പരാജയപ്പെട്ടിരുന്നു. ഇതിനു മുന്‍പ് ആര്‍.എസ്.എസ് പരിപാടികളില്‍ അദ്ദേഹം പങ്കെടുത്തിട്ടുണ്ട്.

English summary:Former Kerala DGP Jacob Thomas is set to become active in the Rashtriya Swayamsevak Sangh (RSS). He will participate in the Vijayadashami day route march (Padha Sanchalan) wearing the RSS uniform (white shirt, khaki trousers, and cap) at Pallikkara in Ernakulam district.