ദോഹ: ഖത്തര്‍ തൊഴില്‍ മന്ത്രാലയത്തിന്റെ കമ്മ്യൂണിറ്റി അഡൈ്വസര്‍മാരായി മലയാളി പ്രവാസി പ്രമുഖന്‍ ഉള്‍പ്പെടെ രണ്ടു ഇന്ത്യക്കാര്‍. ഇന്ത്യന്‍ കമ്മ്യൂണിറ്റി ബെനവലന്റ് ഫോറം (ഐ.സി.ബി.എഫ്) പ്രസിഡന്റ് ഷാനവാസ് ബാവ, എം.സി അംഗവും മത്സ്യത്തൊഴിലാളി ക്ഷേമ വിഭാഗം തലവനുമായ തെലങ്കാന സ്വദേശി ശങ്കര്‍ ഗൗഡിനെയുമാണ് കമ്മ്യൂണിറ്റി ഉപദേശകരായി ഖത്തര്‍ തൊഴില്‍ മന്ത്രാലയം തെരഞ്ഞെടുത്തത്.
തൃശ്ശൂര്‍ കെപ്പമംഗലം സ്വദേശിയാണ് ഷാനവാസ് ബാവ. ഖത്തറില്‍ ചാര്‍ട്ടേഡ് അക്കൗണ്ടന്റായി ജോലി ചെയ്യുന്ന ഷാനവാസ്, കേരള ബിസിനസ് ഫോറത്തിന്റെ മുന്‍ പ്രസിഡന്റുമാണ്. തൃശ്ശൂര്‍ എംടിഎയിലെ ലക്ചറര്‍ സസ്‌നയാണ് ഭാര്യ.
ഖത്തറിലെ തൊഴിലാളി സമൂഹത്തിനിടയില്‍ വിവിധ ക്ഷേമ പദ്ധതികള്‍ക്ക് നേതൃത്വമൊരുക്കുന്ന പ്രമുഖ സാമൂഹിക പ്രവര്‍ത്തകനാണ് ശങ്കര്‍ ഗൗഡ്. ഇന്ത്യന്‍ പ്രവാസി സമൂഹത്തിനിടയിലെ അവരുടെ സേവനങ്ങളും നേതൃത്വവും പരിഗണിച്ചാണ് ഇരുവരുടെയും മന്ത്രാലയം തെരഞ്ഞെടുത്തത്.

Sumamry: Two Indians, including a Malayali, have been appointed as community advisors for the Qatar Ministry of Labor.