ഷിംല: ഇന്ത്യയില്‍ ഉണ്ട് ഉറങ്ങുന്ന പേരില്‍ അറിയപ്പെടുന്ന ഒരു സംസ്ഥാനം.  ഏതാണെന്ന് അറിയാമോ..? നമ്മുടെ സ്വന്തം ഹിമാചല്‍ പ്രദേശ് ആണത്. നേരത്തേ ഉറങ്ങി നേരത്തേ ഉണരുന്നതാണ് ആരോഗ്യകരമായ ജീവിതശൈലി എന്ന് എല്ലാവരും പറയാറുണ്ട്. എന്നാല്‍, നമ്മളില്‍ അധികമാളുകളും അത് പാലിക്കാറില്ല എന്നതാണ് വാസ്തവം. എന്നാല്‍ ഹിമാചല്‍ പ്രദേശ് അങ്ങനെയായിരുന്നു. അതിനാല്‍ തന്നെയാണ് അതിന് ഉറങ്ങുന്ന സംസ്ഥാനം എന്ന് പേര് വന്നിരിക്കുന്നതും. എന്തുകൊണ്ടാവും ഹിമാചലിനെ ഉറങ്ങുന്ന സംസ്ഥാനം എന്ന് വിളിക്കുന്നത്..?

ഹിമാചലിലെ ഭൂപ്രകൃതിയും അതിനോട് ചേര്‍ന്ന ജീവിതരീതിയും ഒക്കെ തന്നെയാണ് ഈ സംസ്ഥാനത്തെ ഉറങ്ങുന്ന സംസ്ഥാനം എന്ന പേരില്‍ അറിയപ്പെടാന്‍ കാരണമായത്. മലനിരകളില്‍ കൂടി കടന്നുവരുന്ന തണുത്ത കാറ്റ്, അധികം ഗതാഗതത്തിരക്കുകളോ അതിന്റെ ബഹളമോ ഇല്ലാത്ത അവസ്ഥയും വ്യവസായ കേന്ദ്രങ്ങള്‍ അധികം ഇല്ലാത്തതും ഒക്കെ ആളുകള്‍ നേരത്തെ ഉറങ്ങാനും ഇവിടം ശാന്തമാവാനും കാരണമാകുന്നുണ്ട്.

ALSO READ: ഓഫീസ് ബോയ്, ഹൗസ് ബോയ് മുതല്‍ എഞ്ചിനീയര്‍ വരെ; ഗള്‍ഫിലെ ഏറ്റവും പുതിയ ജോലിയൊഴിവുകള്‍

സൂര്യാസ്തമയത്തോടെ തന്നെ ആളുകള്‍ ജോലി പൂര്‍ത്തിയാക്കി വീടുകളിലേക്ക് മടങ്ങുകയാണ് പതിവ്. രാത്രിയാകുമ്പോഴേക്കും കടകള്‍ എല്ലാം അടയ്ക്കുകയും തെരുവുകള്‍ ശാന്തമാവുകയും ചെയ്യുന്നതാണ് പതിവു കാഴ്ച. രാവിലെ ഉണരുന്ന ആളുകള്‍ പലരും രാത്രി 8-9 മണി ആകുമ്പോള്‍ തന്നെ അത്താഴവും കഴിച്ച് ഉറങ്ങാന്‍ തുടങ്ങും.

വളരെ ശാന്തമായ അന്തരീക്ഷമാണ് ഇവിടെ അധികവും. കാലാവസ്ഥയും ഭൂപ്രകൃതിയുമാണ് അതിന് കാരണവും. ഇങ്ങനെയൊക്കെയാണെങ്കിലും വര്‍ധിച്ചു വരുന്ന ടൂറിസം ഇതില്‍ പലതിലും മാറ്റങ്ങള്‍ വരുത്തുന്നുണ്ട് എന്നും പറയാതെ വയ്യ. അതേസമയം, പര്‍വതനിരകളാല്‍ ചുറ്റപ്പെട്ട് കിടക്കുന്ന ഹിമാചല്‍ പ്രദേശില്‍ പ്രകൃതിദുരന്തം നാശം വിതച്ചത് ഈയിടെയായിരുന്നു. കനത്ത മഴയിലും മിന്നല്‍ പ്രളയത്തിലും നിരവധി മരണങ്ങളാണ് സംസ്ഥാനത്ത് റിപോര്‍ട്ട് ചെയ്യപ്പെട്ടിരിക്കുന്നത്.

Himachal Pradesh is often referred to as the “Sleeping State” of India due to its unique lifestyle and serene natural environment. The nickname comes from the state’s early-to-bed, early-to-rise culture, which aligns with what is often considered a healthy way of living.

The peaceful hills, chilly mountain breeze, low population density, and limited industrialization contribute to the calm and quiet atmosphere of the region. With little traffic or urban chaos, the pace of life is slow and relaxed.