പയ്യാവൂര്‍: ചെറുപുഷ്പ മിഷന്‍ലീഗ് സംസ്ഥാനസമിതി ഏര്‍പ്പെടുത്തിയ ഫാ. ജോസഫ് മാലിപ്പറമ്പില്‍ അവാര്‍ഡിനു കാസര്‍കോട്ടെ മിഷനറിയും തലശ്ശേരി അതിരൂപതയിലെ വിമല ആശുപത്രി ഡയറക്ടറുമായ മോണ്‍. മാത്യു എം ചാലില്‍ അര്‍ഹനായി. മിഷന്‍ലീഗിന്റെ സ്ഥാപക ഡയറക്ടറായ മാലിപ്പറമ്പില്‍ ജോസഫച്ചന്റെ സ്മരണയ്ക്കായി ഏര്‍പ്പെടുത്തിയതാണ് അവാര്‍ഡ്. 10,000 രൂപയും പ്രശസ്തിപത്രവും അടങ്ങുന്നതാണു ബഹുമതി. സെപ്റ്റംബര്‍ പത്തിനു ഫാ. ജോസഫ് മാലിപ്പറമ്പില്‍ അനുസ്മരണം നടക്കുന്ന ചങ്ങനാശ്ശേരി രൂപതയിലെ ആര്‍പ്പൂക്കരയില്‍ അവാര്‍ഡ് സമ്മാനിക്കുമെന്നു മിഷന്‍ലീഗ് സംസ്ഥാന ഡയറക്ടര്‍ ഫാ. ജോബി പുച്ചുക്കണ്ടത്തില്‍ അറിയിച്ചു.