ഷാർജ: 44-ാമത് ഷാർജ അന്താരാഷ്ട്ര പുസ്തകമേള (SIBF) ഈ വർഷം പുതുമയാർന്ന അനുഭവങ്ങളുമായാണ് എത്തുന്നത്. നവംബർ 5 മുതൽ 16 വരെ ഷാർജ എക്സ്പോ സെന്ററിലാണ് ബുക്ക് ഫെയർ നടക്കുന്നത്. ഈ വർഷത്തെ ബുക്ക് ഫെയറിൽ 1,200-ലധികം പ്രവർത്തനങ്ങളും 66 രാജ്യങ്ങളിൽ നിന്നുള്ള 250 അതിഥികളും പങ്കെടുക്കുമെന്നാണ് സംഘാടകർ അറിയിച്ചിട്ടുള്ളത്. 

ALSO READ: ദുബൈ ബസ് ഓൺ ഡിമാൻഡ്; എവിടെയെല്ലാം സേവനം ലഭിക്കും, സമയക്രമം, നിരക്ക് തുടങ്ങിയ വിവരങ്ങൾ; കൂടുതലറിയാം

എല്ലാ പ്രായക്കാർക്കും പുതിയ അനുഭവങ്ങൾ  

SIBF-ന്റെ ജനറൽ കോ-ഓർഡിനേറ്റർ ഖൗല അൽ മുജൈനി, ഖലീജ് ടൈംസിനോട് വ്യക്തമാക്കിയത് അനുസരിച്ച്, ഈ പതിപ്പ് ഏറ്റവും സവിശേഷമായ ഒന്നായിരിക്കും. പതിവുപോലെ, ഞങ്ങൾ സാംസ്കാരിക ചർച്ചകൾ, കുട്ടികൾക്കായുള്ള വര്‍ക്‌ഷോപ്പുകള്‍, പാചക പ്രദർശനങ്ങൾ, പ്രൊഫഷണൽ സെഷനുകൾ എന്നിവ സംഘടിപ്പിക്കുന്നു. എന്നാൽ ഈ വർഷം, പുരാവസ്തുശാസ്ത്രം, ഗണിതം, ഭൗതികശാസ്ത്രം, ശാസ്ത്രം തുടങ്ങിയ പുതിയ വിഷയങ്ങൾ ഉൾപ്പെടുത്തി, കൂടുതൽ പ്രേക്ഷകരിലേക്ക് എത്തിച്ചേരാനാണ് ഞങ്ങൾ ലക്ഷ്യമിടുന്നത്, അദ്ദേഹം പറഞ്ഞു. സാഹിത്യത്തെ ചലനാത്മകവും എല്ലാവർക്കും ഉൾക്കൊള്ളുന്നതുമാക്കുകയാണ് ലക്ഷ്യമെന്നും അദ്ദേഹം കൂട്ടിച്ചേർത്തു. 

കവിതാ ഫാർമസി  

മേളയിലെ മികച്ച ആശയങ്ങളിലൊന്നാണ് യുകെയിൽ നിന്നുള്ള ‘കവിതാ ഫാർമസി’. വായനക്കാരന്റെ മാനസികാവസ്ഥക്ക് അനുയോജ്യമായ കവിതകളോ വരികളോ നിർദ്ദേശിക്കുന്ന ഒരു സ്റ്റോറാണിത്.

ALSO READ: 2026 മുതൽ ജിടെക്സ് ഗ്ലോബൽ എക്സിബിഷന് പുതിയ വേദി; അടുത്ത എക്സിബിഷൻ എക്സ്പോ സിറ്റി ദുബൈയിൽ നടക്കും

ഡിറ്റക്ടീവ്
 
സന്ദർശകർ ഡിറ്റക്ടീവായി മാറുന്ന ഒരു ഇന്ററാക്ടീവ് നാടകമാണ് മറ്റൊരു പ്രധാന ആകർഷണം. ഇത് ഒരു നിധിവേട്ടയല്ല. പ്രേക്ഷകർ പുസ്തകം വായിക്കുകയും സൂചനകൾ പിന്തുടരുകയും ഒരു അന്വേഷകനെപ്പോലെ ചിന്തിച്ച് പസിൽ പരിഹരിക്കുകയും വേണം. സാഹിത്യത്തെയും പങ്കാളിത്തത്തെയും സർഗാത്മകമായി സമന്വയിപ്പിക്കുന്ന ഒരു മാർഗമാണിത്,” അൽ മുജൈനി പറഞ്ഞു.

The 44th Sharjah International Book Fair (SIBF) is coming up with a new experience this year. The book fair will be held at the Sharjah Expo Centre from November 5 to 16.