കാലിഫോർണിയ: കോവിഡ്-19 വ്യാപനവും പനി സീസണിന്റെ തുടക്കവും മൂലം അമേരിക്കയിലെ കാലിഫോർണിയ സംസ്ഥാനത്തെ സൊനോമ കൗണ്ടിയിൽ മാസ്‌ക് ധരിക്കുന്നത് വീണ്ടും നിർബന്ധമാക്കി. പുതിയ എക്സ് എഫ് ജി വകഭേദത്തിന്റെ വ്യാപനം തടയുന്നതിന് അടുത്ത മാസം നവംബർ 1 മുതൽ 2026 മാർച്ച് 31 വരെ മാസ്‌ക് ധരിക്കണമെന്നാണ് ഉത്തരവ് പുറപ്പെടുവിച്ചത്.

ALSO READ: ഭാര്യയ്ക്കും കുഞ്ഞിനുമൊപ്പം സഞ്ചരിക്കുന്നതിനിടെ ഇലക്ട്രിക് സ്കൂട്ടറിന്റെ ടയറും സ്റ്റിയറിം​ഗും വേർപെട്ട് അപകടം; ഷോറൂമിന് മുന്നിൽ സ്കൂട്ടർ കത്തിച്ച് യുവാവിന്റെ പ്രതിഷേധം

സൊനോമ കൗണ്ടി ആരോഗ്യ വകുപ്പ് പുറപ്പെടുവിച്ച ഉത്തരവ് പ്രകാരം, എൻ95, കെഎൻ95, കെഎൻ94 മാസ്‌കുകൾ മാത്രമാണ് ഉപയോഗിക്കേണ്ടത്. മറ്റ് തരത്തിലുള്ള മാസ്‌കുകൾ അനുവദനീയമല്ല. മുതിർന്നവർ, കാൻസർ രോഗികൾ തുടങ്ങിയ ദുർബല വിഭാഗങ്ങളെ സംരക്ഷിക്കുന്നതിനും ആരോഗ്യ പ്രവർത്തകർക്കിടയിൽ രോഗവ്യാപനം തടയുന്നതിനും ഈ നടപടി ലക്ഷ്യമിടുന്നതായി ആരോഗ്യ വകുപ്പ് വ്യക്തമാക്കി. കൂടാതെ, ആറ് മാസം പ്രായമായ കുഞ്ഞും കോവിഡ്-19, ഫ്ലൂ വാക്സിനുകൾ സ്വീകരിക്കണമെന്നും ഉത്തരവിൽ നിർദേശിക്കുന്നു. അമേരിക്കയിൽ അടുത്തിടെ കോവിഡിന്റെ എക്സ് എഫ് ജി ‘സ്ട്രാറ്റസ്’ വകഭേദം വ്യാപകമായി പടരുന്നതായി റിപ്പോർട്ടുകൾ പുറത്ത് വന്നിരുന്നു.

സെന്റർ ഫോർ ഡിസീസ് കൺട്രോൾ (സിഡിസി) മെയ് മാസത്തിൽ പുറത്തുവിട്ട കണക്കുകൾ പ്രകാരം, എക്സ് എഫ് ജി വകഭേദം 3% കേസുകൾക്ക് കാരണമായിരുന്നു. എന്നാൽ, സെപ്റ്റംബർ 27 വരെയുള്ള നാല് ആഴ്ചകളിൽ 85% കേസുകൾക്ക് ഈ വകഭേദം കാരണമായതായി കണ്ടെത്തി. ഈ സാഹചര്യത്തിലാണ് സൊനോമ കൗണ്ടി ഈ കർശന ഉത്തരവ് പുറപ്പെടുവിച്ചത്. രോഗവ്യാപനം തടയുന്നതിന് ജനങ്ങൾ മാസ്‌ക് ധരിക്കലും വാക്സിനേഷനും കർശനമായി പാലിക്കണമെന്ന് ആരോഗ്യ വകുപ്പ് അഭ്യർത്ഥിച്ചു.

Sonoma County, California, has reinstated a mask mandate from November 1, 2025, to March 31, 2026, due to rising COVID-19 cases and the flu season. The mandate requires KN95, KN94, or N95 masks to protect vulnerable groups and healthcare workers. Vaccinations for COVID-19 and flu are also urged for everyone over six months old, as the XFG variant drives 85% of recent cases.