ദുബൈ: കാലാവധി കഴിഞ്ഞ ലൈസൻസുപയോ​ഗിച്ച് വാഹനമോടിക്കുകയും അപകടമുണ്ടാക്കുകയും ചെയ്ത ഏഷ്യൻ പൗരന് ദുബൈ ക്രിമിനൽ കോടതി 10,000 ദിർഹം പിഴ ചുമത്തിയതായി എമറാത്ത് അൽ യൗം റിപ്പോർട്ട് ചെയ്തു. പൊതുസുരക്ഷയെ അപകടപ്പെടുത്തിയതിനും, മറ്റുള്ളവരുടെ സ്വത്തുക്കൾക്ക് കേടുപാട് വരുത്തിയതിനും, കാലാവധി കഴിഞ്ഞ ലൈസൻസോടെ വാഹനം ഓടിച്ചതിനും ഇയാൾ കുറ്റക്കാരനാണെന്ന് കോടതി കണ്ടെത്തി. കൂടാതെ, മൂന്ന് മാസത്തേക്ക് ഇയാളുടെ ഡ്രൈവിംഗ് ലൈസൻസ് സസ്‌പെൻഡ് ചെയ്യുകയും ചെയ്തു. 

ALSO READ: ഗതാഗതം സുഗമമാക്കും, റോഡ് കാര്യക്ഷമത വർധിപ്പിക്കും; ആറ് പുതിയ പദ്ധതികൾ പ്രഖ്യാപിച്ച് ദുബൈ ആർ‌ടി‌എ

കേസിന്റെ വിശദാംശങ്ങൾ ഇങ്ങനെയാണ്. കാലാവധി കഴിഞ്ഞ ലൈസൻസുപയോ​ഗിച്ച് വാഹനം ഓടിക്കുകയായിരുന്നു പ്രതി. പെട്ടെന്ന് വലത്തേക്ക് തിരിച്ചപ്പോൾ മറ്റൊരു കാറുമായി കൂട്ടിയിടിച്ചു. ഈ അപകടത്തിൽ ഇന്ത്യൻ പൗരന്മാരായ ഒരു പുരുഷനും രണ്ട് സ്ത്രീകൾക്കും പരുക്കേറ്റു. കൂടാതെ രണ്ട് വാഹനങ്ങൾക്കും കേടുപാടുകൾ സംഭവിച്ചു.

ഡ്രൈവറുടെ അശ്രദ്ധയും ലൈസൻസ് പുതുക്കാത്തതും ട്രാഫിക് നിയമങ്ങളുടെ ഗുരുതരമായ ലംഘനമാണ്. ഇത് പൊതുസുരക്ഷയ്ക്ക് ഭീഷണിയുയർത്തുമെന്നും കോടതി നിരീക്ഷിച്ചു. 

 A Dubai court has fined an Asian driver Dh10,000 for driving with an expired license and causing an accident that damaged others' property, posing a risk to public safety. The court found the driver guilty of multiple traffic violations