കാസർകോട്: കാസർകോട് ചന്ദേരയിൽ വിവാഹിതയായ മകളെ പീഡിപ്പിക്കാൻ ശ്രമിച്ച കേസിൽ 62 വയസ്സുകാരനായ പിതാവിനെ പൊലിസ് അറസ്റ്റ് ചെയ്തു. കുഞ്ഞുമായി സ്വന്തം വീട്ടിലെത്തിയ യുവതിക്ക് നേരെയാണ് പിതാവിൽ നിന്ന് അതിക്രമം ഉണ്ടായത്.സംഭവത്തെ തുടർന്ന് യുവതി സ്വമേധയാ ചന്ദേര പൊലിസ് സ്റ്റേഷനിൽ എത്തി പരാതി നൽകുകയായിരുന്നു. പരാതിയുടെ അടിസ്ഥാനത്തിൽ, യുവതിയെ കാഞ്ഞങ്ങാട് ജനറൽ ആശുപത്രിയിൽ എത്തിച്ച് കൗൺസിലിംഗിന് വിധേയയാക്കി.

തുടർന്ന് പിതാവിനെ വിശദമായി ചോദ്യം ചെയ്ത ശേഷം പൊലിസ് അറസ്റ്റ് രേഖപ്പെടുത്തി. സംഭവത്തിൽ കൂടുതൽ അന്വേഷണം നടന്നു വരുന്നു.