കൊയിലാണ്ടി: അരിക്കുളം ഗ്രാമപഞ്ചായത്തിന്റെയും കുടുംബശ്രീ സി.ഡി.എസിന്റെയും ആഭിമുഖ്യത്തില്‍ ഓണം-ബക്രീദ് വിപണന മേളയും സംസ്‌കാരികോത്സവവും കുരുടിമുക്കില്‍ ആരംഭിച്ചു.
ഇന്നു വൈകിട്ട് പറമ്പത്തു നിന്നാരംഭിക്കുന്ന സാംസ്‌കാരിക ഘോഷയാത്രക്കു ശേഷം വിപണനമേളയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ബാബു പറശ്ശേരി നിര്‍വഹിക്കും. ഡോ. ഖദീജ മുംതാസ് പ്രഭാഷണം നടത്തും.
തുടര്‍ന്ന് നൃത്ത സായാഹ്നവും നടക്കും. മേള പതിനൊന്നിന് സമാപിക്കും. മേളയോടനുബന്ധിച്ച് സ്റ്റേഹപൂക്കളം, ഘോഷയാത്ര, മൈലാഞ്ചിയിടല്‍, കമ്പവലി, നാടന്‍ കലാമേള, മാജിക് ഷോ, ദഫ്മുട്ട് തുടങ്ങിയ വിവിധ പരിപാടികള്‍ സംഘടിപ്പിച്ചിട്ടുണ്ട്. സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസനു സ്വീകരണവും ഒരുക്കിയിട്ടുണ്ട്. വാര്‍ത്താ സമ്മേളനത്തില്‍ പഞ്ചായത്ത് പ്രസിഡന്റ് സി. രാധ, വി.എം ഉണ്ണി.എ, സുധാകരന്‍, പി.കെ ബീന പങ്കെടുത്തു