ദുബൈ: ഡ്രോൺ ഡെലിവറി സേവനം ആരംഭിച്ച് ദുബൈ. നാദ് അൽ ഷെബ ഏരിയയിലാണ് ദുബൈയിലെ ആദ്യത്തെ ഡ്രോൺ ഡെലിവറി റൂട്ട് ആരംഭിച്ചത്. നാദ് അൽ ഷെബ ഗ്രാൻഡ് മോസ്‌കാണ് ഭക്ഷണ സാധനങ്ങൾ സ്വീകരിക്കുന്നതിനുള്ള പ്രധാന കേന്ദ്രമായി പ്രവർത്തിക്കുക.

നാദ് അൽ ഷെബ പ്രദേശത്തുള്ള ഉപഭോക്താക്കൾക്ക് 'കീറ്റാ ഡ്രോൺ' (Keeta Drone) വഴി ഓർഡർ നൽകാം. അവന്യൂ മാളിലെ (Avenue Mall) റെസ്റ്റോറന്റുകളിൽ നിന്നും കഫേകളിൽ നിന്നുമുള്ള ഭക്ഷണ പാനീയങ്ങളാണ് ഇത്തരത്തിൽ എത്തിക്കുക. നാദ് അൽ ഷെബ ഗ്രാൻഡ് മോസ്‌കിന്റെ മുറ്റത്തുള്ള സ്വീകരണ കേന്ദ്രത്തിലേക്ക് ഓർഡറുകൾ ഡ്രോൺ വഴി എത്തിച്ചു നൽകും. ഉദ്ഘാടനത്തിന് ശേഷം, ആദ്യ ഓർഡർ നൽകിയ ഉപഭോക്താക്കൾക്ക് ഉടൻ തന്നെ ഭക്ഷണ പാനീയങ്ങൾ എത്തിച്ചു നൽകി.

ALSO READ: കാണുമ്പോൾ സാധാരണ ക്യുആർ കോഡായി തോന്നാം; എന്നാൽ സ്കാൻ ചെയ്താൽ പണി കിട്ടും; 'ക്യൂആർ ഫിഷിംഗ്' തട്ടിപ്പിനെക്കുറിച്ച് മുന്നറിയിപ്പ് നൽകി ദുബൈ

പൊതു-സ്വകാര്യ പങ്കാളിത്തം

പൊതു-സ്വകാര്യ മേഖലകളുടെ പങ്കാളിത്തത്തോടെ, പരിസ്ഥിതി സൗഹൃദവും സ്മാർട്ടും, വേഗതയേറിയതുമായ ഡെലിവറി സേവനങ്ങൾ നൽകുന്നതിന്റെ ഉദാഹരണമാണ് നാദ് അൽ ഷെബയിലെ ഈ ഡ്രോൺ ഡെലിവറി റൂട്ട്.

ദുബൈ സിവിൽ ഏവിയേഷൻ അതോറിറ്റി, ഇസ്ലാമിക് അഫയേഴ്‌സ് ആൻഡ് ചാരിറ്റബിൾ ആക്റ്റിവിറ്റീസ് ഡിപ്പാർട്ട്‌മെന്റ്, കീറ്റാ ഡ്രോൺ എന്നിവർ സംയുക്തമായാണ് ഈ പദ്ധതി ആരംഭിച്ചത്. 

The Dubai Civil Aviation Authority (DCAA), in collaboration with the Islamic Affairs and Charitable Activities Department (IACAD) and Keeta Drone, has launched a new drone delivery service in Nad Al Sheba. This initiative marks a significant milestone in Dubai's push towards advanced aerial logistics and smart mobility solutions .