കുവൈത്ത് സിറ്റി: കുവൈത്തിലെ ഏറ്റവും പ്രശസ്തമായതും പഴക്കമേറിയതുമായ മാർക്കറ്റുകളിലൊന്നായ സൂഖ് അൽ-മുബാറക്കിയയിൽ (Souq Al-Mubarakiya), സന്ദർശകർക്കുള്ള നിർദ്ദേശങ്ങൾ അടങ്ങിയ ബോർഡുകൾ സ്ഥാപിച്ച് കുവൈത്ത് മുനിസിപ്പാലിറ്റി. മാർക്കറ്റ് വൃത്തി, സുരക്ഷ എന്നിവ നിലനിർത്തുക എന്ന ലക്ഷ്യത്തോടെയാണ് ഈ നടപടി. അറബിയിലും ഇംഗ്ലീഷിലുമായാണ് ഈ ബോർഡുകൾ തയ്യാറാക്കിയിട്ടുള്ളത്. സന്ദർശകരെ സ്വാഗതം ചെയ്യുന്നതിനോടൊപ്പം മാർക്കറ്റിൽ പാലിക്കേണ്ട പ്രധാനപ്പെട്ട നിയമങ്ങളും ബോർഡ് ഓർമ്മിപ്പിക്കുന്നു.

ALSO READ: "ഫൈൻഡ് യുവർ ചാലഞ്ച്"; ദുബൈ ഫിറ്റ്നസ് ചലഞ്ചിന് ശനിയാഴ്ച തുടക്കം

മാർക്കറ്റിൽ പാലിക്കേണ്ട പ്രധാന നിർദ്ദേശങ്ങൾ

മുബാറക്കിയ മാർക്കറ്റിൽ പാലിക്കേണ്ട പ്രധാന നിബന്ധനകൾ ഇവയാണ്:

• തറയിൽ ഇരിക്കാൻ പാടില്ല.
• നിർദ്ദേശിച്ചിട്ടുള്ള സ്ഥാനങ്ങളിൽ നിന്ന് കസേരകൾ മാറ്റാൻ അനുവാദമില്ല.
• മാർക്കറ്റ് ഏരിയയിൽ വളർത്തു മൃഗങ്ങളെ (Pets) അനുവദിക്കില്ല.
• സൈക്കിളുകൾ, സ്‌കൂട്ടറുകൾ, മോട്ടോർ സൈക്കിളുകൾ എന്നിവയുടെ ഉപയോഗം നിരോധിച്ചിട്ടുണ്ട്.
• മാർക്കറ്റിനുള്ളിൽ പുകവലിക്കാൻ പാടില്ല.

മാർക്കറ്റിന്റെ സാംസ്കാരികപരമായ ആകർഷണം നിലനിർത്തുക, കച്ചവടക്കാർക്കും ഉപഭോക്താക്കൾക്കും ഒരുപോലെ സൗകര്യപ്രദമായ അന്തരീക്ഷം ഉറപ്പാക്കാക്കുക, എന്നിവ ലക്ഷ്യമിട്ടാണ് ഈ നിയമങ്ങൾ അവതരിപ്പിച്ചിട്ടുള്ളത്. 

ALSO READ: ഡിസ്നിലാൻഡ് അബൂദബി: എപ്പോൾ തുറക്കും? എന്തൊക്കെ പ്രതീക്ഷിക്കാം?; കൂടുതലറിയാം

മാർക്കറ്റിലെ തിരക്ക് കുറക്കാനും, ഇടുങ്ങിയ വഴികളിലെ അപകടസാധ്യതകൾ ഒഴിവാക്കുന്നതിനുമായാണ് സൈക്കിളുകൾ, മോട്ടോർ സൈക്കിളുകൾ, സ്‌കൂട്ടറുകൾ എന്നിവയുടെയും, വളർത്തു മൃഗങ്ങളുടെയും പ്രവേശനം നിരോധിച്ചിരിക്കുന്നത്.

കുവൈത്തിന്റെ പൈതൃകത്തിന്റെയും, വിനോദസഞ്ചാര കേന്ദ്രങ്ങളുടെയും പ്രതീകമായി നിലനിൽക്കുന്ന ഒന്നാണ് അൽ-മുബാറക്കിയ മാർക്കറ്റ്. അതിനാൽ തന്നെ, മാർക്കറ്റിലെ സന്ദർശക സുരക്ഷ, ശുചിത്വം, പൊതുക്രമം എന്നിവ നിലനിർത്താനുള്ള മുനിസിപ്പാലിറ്റിയുടെ പ്രതിബദ്ധതയാണ് ഈ പുതിയ ബോർഡുകൾ.

The Kuwait Municipality has taken steps to improve the visitor experience at Souq Al-Mubarakiya, one of Kuwait's oldest and most famous markets. To maintain cleanliness and safety, the municipality has installed boards with guidelines for visitors.