പെരിങ്ങത്തൂര്‍: ബാവാച്ചി റോഡില്‍ കടയില്‍ നിന്നും കടയുടമയെ കണ്ണുവെട്ടിച്ച് പണം മോഷ്ടിച്ച് രക്ഷപ്പെടാന്‍ ശ്രമിച്ച യുവാവിനെ കടയുടമയും നാട്ടുകാരും ചേര്‍ന്ന് പിടികൂടി. കോഴിക്കോട് മെഡിക്കല്‍ കോളേജിനടുത്ത് പെരിങ്ങളം സ്വദേശി ശ്രീജിത്ത്(31) ആണ് പിടിയിലായത്.
ബാവാച്ചി റോഡില്‍ പ്രവര്‍ത്തിക്കുന്ന ബെഡ് മാര്‍ട്ട് എന്ന കടയില്‍ നിന്നാണ് ഇയാളെ നാട്ടുകാര്‍ പിടികൂടിയത്. സംഭവം അറിഞ്ഞ് ചൊക്ലി എസ്.ഐ മനു പി മേനോന്‍, സിവില്‍ പൊലിസ് ഓഫിസര്‍ ഷാജു എന്നിവര്‍ സ്ഥലത്തെത്തി പ്രതിയെ കസ്റ്റഡിയിലെടുത്തു. അഞ്ച് വര്‍ഷം മുമ്പ് കോഴിക്കോട് താമസമാക്കിയ ഇയാള്‍ കൊണ്ടോട്ടിയിലെ പെയിന്റ് കടയില്‍ നിന്നും മോഷണം നടത്തിയകേസില്‍ വിചാരണ നടന്നുകൊണ്ടിയിരിക്കുകയാണ് പെരിങ്ങത്തൂരില്‍ മോഷണം നടത്താനെത്തിയതെന്ന് പൊലീസ് പറഞ്ഞു. കോടതിയില്‍ ഹാജറാക്കിയ പ്രതിയെ റിമാന്‍ഡ് ചെയ്തു.