റായ്പൂര്‍: ഛത്തീസ്ഗഡിലെ ബിലാസ്പൂരില്‍ ട്രെയിനുകള്‍ തമ്മില്‍ കൂട്ടിയിടിച്ച് ആറ് മരണം. മെമു ട്രെയിനും, ചരക്ക് വണ്ടിയും തമ്മില്‍ കൂട്ടിയിടിച്ചാണ് അപകടമുണ്ടായത്. രക്ഷാപ്രവര്‍ത്തനം തുടരുകയാണ്. മരണ സംഖ്യ ഉയരുമെന്നാണ് റിപ്പോര്‍ട്ട്.

ബിലാസ്പൂര്‍-കട്‌നി സെക്ഷനിലാണ് അപകടം. ഇടിയുടെ ആഘാതത്തില്‍ പല ബോഗികളും ഗുഡ്‌സ് ട്രെയിനിന് മീതെ ഇടിച്ച് കയറിയ നിലയിലാണുള്ളത്. സിഗ്നല്‍ സംവിധാനമുള്‍പ്പെടെ തകരാറിലായതോടെ, ഈ റൂട്ടിലുള്ള ട്രെയിന്‍ ഗതാഗതവും തടസപ്പെട്ടു. 

ആര്‍പിഎഫ്, ലോക്കല്‍ പൊലിസ്, നാട്ടുകാര്‍ എന്നിവരുടെ നേതൃത്വത്തില്‍ രക്ഷാപ്രവര്‍ത്തനം പുരോഗമിക്കുകയാണ്. പരിക്കേറ്റ പലരുടെയും നില ഗുരുതരമായി തുടരുകയാണ്. അപകടത്തില്‍ വിശദമായ അന്വേഷണം നടക്കുകയാണെന്നും, കൂടുതല്‍ വിവരങ്ങള്‍ പിന്നീട് അറിയിക്കുമെന്നും അധികൃതര്‍ അറിയിച്ചു.