ദുബൈ: ദുബൈയിൽ സന്ദർശക വിസയിൽ എത്തിയ മലയാളി വിദ്യാർഥി കെട്ടിടത്തിന്റെ മുകളിൽ നിന്ന് വീണു മരിച്ചു. കോഴിക്കോട് സ്വദേശിയായ മുഹമ്മദ് മിഷാൽ (19) ആണ് മരിച്ചത്. വെള്ളിയാഴ്ച വൈകുന്നേരമായിരുന്നു സംഭവം നടന്നത്.

ബന്ധുക്കളോടൊപ്പം തങ്ങാനാണ് മിഷാൽ രണ്ടാഴ്ച മുൻപ് ദുബൈയിൽ എത്തിയത്. സിവിൽ എഞ്ചിനീയറിംഗിൽ ഡിപ്ലോമ വിദ്യാർത്ഥിയായ മിഷാൽ, സംരംഭകനായി ബിസിനസ് തുടങ്ങുന്നതിനെക്കുറിച്ച് ചർച്ച ചെയ്യുകയായിരുന്നെന്ന് കുടുംബ സുഹൃത്തായ ഹനീഫ കെ.കെ അറിയിച്ചു. മാതാപിതാക്കൾ കോഴിക്കോടാണ്. മിഷാൽ ഇവരുടെ ഏക മകനാണ്.

ALSO READ: സൗദിയില്‍ ന്യുമോണിയ ബാധിച്ച് മലയാളി യുവാവ് മരിച്ചു 

ഫോട്ടോഗ്രാഫിയിൽ വലിയ താൽപ്പര്യമുണ്ടായിരുന്ന മിഷാൽ, വിമാനങ്ങളുടെ ക്ലോസ്-അപ്പ് ഷോട്ടുകൾ പകർത്താനായി ഒരു ബഹുനില കെട്ടിടത്തിന്റെ ടെറസിൽ കയറിയതായി റിപ്പോർട്ടുണ്ട്. കെട്ടിടത്തിന്റെ മുകളിൽ വെച്ച് വിമാനത്തിന്റെ ക്ലോസ്-അപ്പ് ഷോട്ട് പകർത്താൻ ശ്രമിക്കുന്നതിനിടെ കാൽ രണ്ട് പൈപ്പുകൾക്കിടയിൽ കുടുങ്ങി ബാലൻസ് നഷ്ടപ്പെട്ട് താഴെക്ക് വീഴുകയായിരുന്നു. ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും മിഷാലിന്റെ ജീവൻ രക്ഷിക്കാനായില്ല.

"മിഷാൽ സംരംഭക മനസ്സുള്ള, കഴിവുള്ള ഒരു വിദ്യാർത്ഥിയായിരുന്നു. ഈ നഷ്ടം കുടുംബത്തെ തകർത്തിരിക്കുകയാണ്," ഹനീഫ കെ.കെ പറഞ്ഞു. നിയമപരമായ നടപടിക്രമങ്ങൾ പൂർത്തിയാക്കിയ ശേഷം മൃതദേഹം എത്രയും പെട്ടെന്ന് നാട്ടിലേക്ക് കൊണ്ടുപോകാൻ കഴിയുമെന്ന് പ്രതീക്ഷിക്കുന്നതായും അദ്ദേഹം കൂട്ടിച്ചേർത്തു.

a malayali student tragically died after falling from a building in dubai. authorities have launched an investigation into the incident, and community members expressed deep sorrow over the untimely death.