കണ്ണൂര്‍: കണ്ണൂര്‍ ജില്ലാ പഞ്ചായത്ത് സീറ്റ് വിഭജനം എല്‍.ഡി.എഫ് പൂര്‍ത്തീകരിച്ചു. ആകെയുള്ള 25 ജില്ലാ പഞ്ചായത്ത് മണ്ഡലങ്ങളില്‍ സി.പി.എം-16, സി.പി.ഐ-03, കേരള കോണ്‍ഗ്രസ് (എം)-01, ജനതാദള്‍ (എസ്)-01, ആര്‍.ജെ.ഡി-01, എന്‍.സി.പി-01, കോണ്‍ഗ്രസ് (എസ്)-01, ഐ.എന്‍.എല്‍-01, എന്നിങ്ങനെയാണ് മത്സരിക്കുക. 

കരിവെള്ളൂര്‍, മാതമംഗലം, പേരാവൂര്‍, പാട്യം, പന്ന്യന്നൂര്‍, കതിരൂര്‍, പിണറായി, പെരളശേരി, അഞ്ചരക്കണ്ടി, കൂടാളി, മയ്യില്‍, അഴീക്കോട്, കല്യാശേരി, ചെറുകുന്ന്, പരിയാരം, കുഞ്ഞിമംഗലം എന്നീ ജില്ലാ പഞ്ചായത്ത് മണ്ഡലങ്ങളിലാണ് സിപി.എം സ്ഥാനാര്‍ഥികള്‍ മത്സരിക്കുക. കോളയാട്, കുറുമാത്തൂര്‍, മാട്ടൂല്‍ സി.പി.ഐ സ്ഥാനാര്‍ഥികള്‍ മത്സരിക്കും. 

ALSO READ: ശബരിമല സ്വര്‍ണക്കൊള്ളയില്‍ അഴിമതി നിരോധന വകുപ്പ് കൂടി ചുമത്തി; മുന്‍ ദേവസ്വം ബോര്‍ഡ് പ്രസിഡന്റ് എ.പത്മകുമാറിനെ ചോദ്യം ചെയ്യും

പടിയൂര്‍ മണ്ഡലത്തില്‍ കേരള കോണ്‍ഗ്രസ് (എം), പയ്യാവൂര്‍-ജനതാദള്‍ (എസ്), കൊളവല്ലൂര്‍-ആര്‍.ജെ.ഡി, കൊട്ടിയൂര്‍-എന്‍.സി.പി, നടുവില്‍-കോണ്‍ഗ്രസ് (എസ്), കൊളച്ചേരി-ഐഎന്‍.എല്‍ എന്നിങ്ങനെയാണ് മത്സരിക്കുക. സി.പി.ഐ ജില്ലാ സെക്രട്ടറി സി.പി സന്തോഷ് കുമാറിന്റെ അധ്യക്ഷതയില്‍ ചേര്‍ന്ന എല്‍.ഡി.എഫ് ജില്ലാ കമ്മിറ്റി യോഗത്തിലാണ് സീറ്റ് വിഭജന ചര്‍ച്ചകള്‍ പൂര്‍ത്തീകരിച്ചത്. 

English Summary: The Left Democratic Front (LDF) has completed its seat-sharing discussions for the upcoming Kannur District Panchayat elections. All constituent parties, including the CPI(M), CPI, and smaller allies, have reached a consensus on seat allocation. With this, the LDF is preparing to officially announce its candidate list soon. The front aims to retain its stronghold in Kannur, a key district in Kerala’s local body politics.