ദുബൈ: പത്തൊമ്പതാമത് ദുബൈ എയർഷോയുടെ ഭാഗമായി ദുബൈയിൽ എത്തുന്ന സന്ദർശകരുടെ പാസ്‌പോർട്ടിൽ പ്രത്യേക സ്റ്റാമ്പ് പതിപ്പിച്ച് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (GDRFA). ദുബൈ മീഡിയ ഓഫിസ് ചൊവ്വാഴ്ചയാണ് ഇക്കാര്യം പുറത്തുവിട്ടത്. 

'ദി ഫ്യുച്ചർ ഈസ് ഹിയർ’ (The Future is Here), ‘ദുബൈ എയർ ഷോ’, ‘നവംബർ 17-21, 2025’ എന്നീ വാചകങ്ങളാണ് ഈ പ്രത്യേക പാസ്‌പോർട്ട് സ്റ്റാമ്പിൽ രേഖപ്പെടുത്തിയിട്ടുള്ളത്.

ദുബൈ ഇന്റർനാഷണൽ എയർപോർട്ടിൽ (DXB) എത്തുന്ന സന്ദർശകരുടെയും പ്രതിനിധി സംഘങ്ങളുടെയും പാസ്സ്പോർട്ടിലാണ് GDRFA ഈ സ്റ്റാമ്പ് പതിപ്പിക്കുന്നത്.

ALSO READ: റോഡ് സുരക്ഷ ഉറപ്പാക്കാൻ പരിശോധനകൾ ശക്തമാക്കി ഷാർജ പൊലിസ്; 73 കാറുകളും 25 ബൈക്കുകളും കണ്ടുകെട്ടി

മിഡിൽ ഈസ്റ്റ് മേഖലയിലെ ഏറ്റവും വലിയ വ്യോമ സ്ഥാപനങ്ങളെയും വിമാന കമ്പനികളെയും ഒരു കുടക്കീഴിൽ അണിനിരത്തുന്ന സുപ്രധാന വ്യോമയാന പരിപാടിയാണ് ദുബൈ എയർഷോ. നവംബർ മുതൽ 21 വരെയാണ് ദുബൈ എയർ ഷോ നടക്കുന്നത്. 

രണ്ട് വർഷത്തിലൊരിക്കൽ നടക്കുന്ന ഈ ഷോ ആയുധ വ്യവസായത്തിനും വേദിയാണ്. ഈ വർഷം 150 രാജ്യങ്ങളിൽ നിന്നുള്ള വ്യോമയാന-ബഹിരാകാശ-പ്രതിരോധ മേഖലകളിലെ 1,500ലധികം പ്രത്യേക കമ്പനികൾ ഷോയിൽ പങ്കെടുക്കും. ഏകദേശം 148,000 സന്ദർശകർ പങ്കെടുക്കുമെന്നാണ് പ്രതീക്ഷിക്കുന്നത്.

The General Directorate of Residency and Foreigners Affairs (GDRFA) in Dubai has announced that visitors arriving at Dubai International Airport (DXB) and Dubai World Central (DWC) will receive a special passport stamp commemorating the 19th Dubai Airshow.