തൃശൂർ: വീടിന് അടുത്തുള്ള പറമ്പിലെ ചപ്പുചവറുകൾ തീ ഇടുന്നതിനിടെ അപകടത്തിൽ പൊള്ളലേറ്റ് ഒരാൾ മരിച്ചു. വേളൂക്കര മുൻ പഞ്ചായത്ത് അംഗം കൊറ്റനല്ലൂർ സ്വദേശി ജോസ് ആണ് മരിച്ചത്. 74 വയസായിരുന്നു. കാൽ തെന്നി തീയിൽ വീണു ഗുരുതരമായി ജോസിന് പൊള്ളലേൽക്കുകയായിരുന്നു. ശാരീരിക ബുദ്ധിമുട്ടുകൾ നേരിട്ടതിനാൽ ജോസിന് എഴുന്നേൽക്കാൻ സാധിച്ചില്ല. നാട്ടുകാരും ബന്ധുക്കളും ചേർന്ന് ജോസിനെ ആശുപത്രയിൽ എത്തിക്കുകയായിരുന്നു. ആശുപത്രിയിൽ ചികിത്സയിലിരിക്കെയാണ് മരണപ്പെട്ടത്.