കൊച്ചി: ക്വീൻസ് വാക് വേയിൽ അമിതവേഗതയിൽ മത്സരയോട്ടം നടത്തിയ മൂന്ന് കാറുകൾ പൊലിസ് പിടികൂടി. തിങ്കളാഴ്ച പുലർച്ചെ ഒരു മണിയോടെയായിരുന്നു സംഭവം. ക്രിസ്മസ്-പുതുവത്സര സുരക്ഷാ പരിശോധനയുടെ ഭാഗമായി പട്രോളിങ്ങ് നടത്തുന്നതിനിടെയാണ് കാതടപ്പിക്കുന്ന ശബ്ദത്തോടെ പാഞ്ഞ ഈ വാഹനങ്ങൾ പൊലിസ് പിടികൂടിയത്. ഈ വാഹനങ്ങൾ നിയമവിരുദ്ധമായി രൂപമാറ്റം വരുത്തുകയും ചെയ്തിരുന്നു.

പിടികൂടിയ ഓരോ കാറിനും 5,000 രൂപ വീതം പിഴ ചുമത്തുകയും, മൂന്ന് കാറുകളിലായി ഉണ്ടായിരുന്ന ആറ് പേരെ പൊലിസ് കസ്റ്റഡിയിലെടുത്ത് ചോദ്യം ചെയ്യുകയും ചെയ്തു.

ALSO READ: കഴക്കൂട്ടത്തെ നാലു വയസുകാരന്റെ മരണം കൊലപാതകം; മരണകാണം കഴുത്തിനേറ്റ പരുക്ക്; പോസ്റ്റ് മോർട്ടം റിപ്പോർട്ട്

കാറുകളിൽ നിയമവിരുദ്ധമായി ഘടിപ്പിച്ചിട്ടുള്ള എല്ലാ എക്സ്ട്രാ ഫിറ്റിങ്ങുകളും കൂളിംഗ് ഫിലിമുകളും ഉടൻ നീക്കണമെന്ന് പൊലിസ് നിർദേശം നൽകി. സൈലൻസറുകൾ മാറ്റം വരുത്തി വലിയ ശബ്ദവും പുകയും പുറത്തുവിടുന്ന രീതിയിലായിരുന്ന വാഹനങ്ങൾ പഴയ നിലയിലാക്കി ഹാജരാക്കിയാൽ മാത്രമേ ഉടമകൾക്ക് വിട്ടുനൽകുകയുള്ളൂ എന്നും പൊലിസ് വ്യക്തമാക്കി. 

അതേസമയം. വരും ദിവസങ്ങളിലും പരിശോധനകൾ തുടരുമെന്നും റോഡ് നിയമങ്ങൾ ലംഘിക്കുന്ന വാഹനങ്ങൾക്കെതിരെ കർശന നടപടിയെടുക്കുമെന്നും പൊലിസ് വ്യക്തമാക്കി. 

Police apprehended three cars engaged in a high-speed racing competition on Queens Walkway early Monday morning around 1 am, as part of Christmas and New Year safety checks.