എടവണ്ണപ്പാറ: ഓമാനൂര്‍ ശുഹദാക്കളുടെ 309-ാം ആണ്ടുനേര്‍ച്ച ഇന്നും നാളെയും ഓമാനൂര്‍ പള്ളിപ്പുറായ വലിയ ജുമാമസ്ജിദ് പരിസരത്ത് നടക്കും. ഇന്ന് ഉച്ചക്ക് മൂന്നിന് കൊണ്ടോട്ടിയില്‍ ശുഹദാ മഖാം സിയാറത്തിന്ന് ഓമാനൂര്‍ എം.യു.എ കോളജ് പ്രിന്‍സിപ്പല്‍ ശാഫി യമാനി പാതിരമണ്ണ നേതൃത്വം നല്‍കും.
നാളെ രാവിലെ പത്തുമുതല്‍ നടക്കുന്ന ഖത്മുല്‍ ഖുര്‍ആന്‍, മൗലീദ് പാരായണം, അനുസ്മരണം, ദുആ മജ്‌ലിസ് എന്നിവക്ക് സയ്യിദ് മാനു തങ്ങള്‍ വെള്ളൂര്‍ നേതൃത്വം നല്‍കും.
ശാഫി യമാനി പ്രഭാഷണം നടത്തും. മറ്റു പ്രമുഖ പണ്ഡിതരും പങ്കെടുക്കും. ഉച്ചക്ക് ഒന്നിന് ആയിരങ്ങള്‍ക്ക് അന്നദാന വിതരണവും നടക്കും.