തിരുവനന്തപുരം: തീവ്ര വോട്ടര്‍ പട്ടിക പരിഷ്‌കരണ (എസ്.ഐ.ആര്‍) ജോലികള്‍ക്ക് വിദ്യാര്‍ഥികളെ വിട്ടു നല്‍കണമെന്നാവശ്യം. ഇക്കാര്യം ചൂണ്ടിക്കാട്ടി ഇലക്ട്രല്‍ രജിസ്‌ട്രേഷന്‍ ഓഫിസര്‍മാര്‍ വിദ്യാഭ്യാസ സ്ഥാപനങ്ങള്‍ക്ക് കത്തയച്ചതായി റിപ്പോര്‍ട്ട്. എന്യുമറേഷന്‍ ഫോം ശേഖരിക്കാനും ഡിജിറ്റലൈസേഷനുമാണ് വിദ്യാര്‍ഥികളെ ഉപയോഗിക്കുന്നതെന്നാണ് സൂചന. 

എന്‍.സി.സി,എന്‍.എസ്.എസ് വളണ്ടിയര്‍മാരെ വേണമെന്നാണ് ആവശ്യപ്പെട്ടിരിക്കുന്നത്. ഈ മാസം 30വരെ കുട്ടികളെ വിട്ടു നല്‍കണമെന്നാണ് വിദ്യാഭ്യസ സ്ഥാപനങ്ങള്‍ക്ക് നല്‍കിയ കത്തില്‍ ആവശ്യപ്പെട്ടിട്ടുള്ളത്. അതേസമയം, പരീക്ഷാകാലമായതിനാല്‍ ഇത് വിദ്യാര്‍ഥികളെ ബുദ്ധിമുട്ടിക്കുമെന്ന് അധ്യാപകര്‍ ചൂണ്ടിക്കാട്ടുന്നു. 

ALSO READ: എസ്.ഐ.ആറിന്റെ പേരില്‍ നടക്കുന്നത് അടിച്ചമര്‍ത്തല്‍; മൂന്നാഴ്ച്ചക്കിടെ 16 ബിഎല്‍ഒമാര്‍ക്ക് ജീവന്‍ നഷ്ടമായി; രാഹുല്‍ ഗാന്ധി

എസ്.ഐ.ആര്‍ ജോലി ഭാരം കൂടുതലാണെന്ന് ബൂത്ത് ലെവല്‍ ഓഫിസര്‍മാരുടെ പരാതി നിരന്തരമായി ഉയരുന്ന സാഹചര്യത്തിലാണ് പുതിയ നീക്കം. അമിതമായ ജോലിഭാരം താങ്ങാനാകുന്നില്ലെന്ന് ചൂണ്ടിക്കാട്ടി മലപ്പുറം കൊണ്ടോട്ടി താലൂക്കിലെ ബി.എല്‍.ഒമാര്‍ തഹസില്‍ദാര്‍ക്ക് സങ്കട ഹരജി നല്‍കിയിരുന്നു. ജോലി സമ്മര്‍ദം കൂടുതലാണെന്നും എല്ലാ കാര്യങ്ങളും തങ്ങള്‍ ചെയ്യേണ്ട അവസ്ഥയാണുള്ളതെന്നും ബി.എല്‍.ഒമാര്‍ ഹരജിയില്‍ പറയുന്നു.

ALSO READ: എസ്.ഐ.ആർ; 1,29,836 വോട്ടർമാർ പുറത്തേക്ക്; ഇവർ നേരത്തെ പട്ടികയിൽ ഉൾപ്പെട്ടവർ, എണ്ണം ഇനിയും ഉയരും

സംസ്ഥാനമാകെ ജോലിബാരം സംബന്ധിച്ച് ബ്.എല്‍.ഒമാരുടെ പ്രതിഷേധം ഉയരുന്നതിനിടെയാണ് സങ്കടഹരജി. ബി.എല്‍.ഒമാര്‍ക്ക് പുതിയ ടാര്‍ഗറ്റ് നല്‍കിയതിനെതിരെ വിമര്‍ശനവുമായി വിവിധ രാഷ്ട്രീയപാര്‍ട്ടികളും രംഗത്തെത്തിയിരുന്നു.

ജോലിഭാരം താങ്ങാതെ ബി.എല്‍.ഒമാര്‍ ആത്മഹത്യ ചെയ്ത റിപ്പോര്‍ട്ടുകള്‍ വരെ പുറത്തുവന്നിട്ടുണ്ട്. 

officers have sent letters to educational institutions requesting student participation for siar job positions, highlighting the growing need for student involvement in related duties.