ദോഹ: ഹമദ് അന്താരാഷ്ട്ര വിമാനം വഴി കഞ്ചാവ് കടത്താനുള്ള ശ്രമം പരാജയപ്പെടുത്തി കസ്റ്റംസ് അധികൃതര്‍. യാത്രക്കാരന്റെ ലഗേജില്‍ സംശയം തോന്നിയതോടെ കസ്റ്റംസ് അധികൃതര്‍ സ്‌ക്രീനിങ് ഉപകരണങ്ങള്‍ ഉപയോഗിച്ച് നടത്തിയ പരിശോധനയിലായിരുന്നു കണ്ടെത്തല്‍. സൂക്ഷ്മ പരിശോധനയില്‍ ഷാംപൂ കുപ്പികളില്‍ ഒളിപ്പിച്ച നിലയില്‍ കഞ്ചാവ് കണ്ടെത്തുകയായിരുന്നു. കഞ്ചാവിന് 4.7 കിലോഗ്രാം തൂക്കം ഉണ്ടെന്ന് കണ്ടെത്തി. കള്ളക്കടത്ത് കസ്റ്റംസ് ലംഘനങ്ങള്‍ എന്നിവ തടയാനുള്ള ക്യാംമ്പെയിനായ  ' കഫെ' യുമായി പൊതുജനങ്ങള്‍ സഹകരിക്കണമെന്നും 16500 എന്ന ഹോട്ട്‌ലൈന്‍ നമ്പരിലൂടെയോ [email protected]. എന്ന ഇ-മെയിലിലൂടെയോ വിവരങ്ങള്‍ രഹസ്യമായി നല്‍കണമെന്ന് കസ്റ്റംസ് അതോറിറ്റി പൊതുജനങ്ങളോട് ആവശ്യപ്പെട്ടു.

Kuwait Customs officials at Hamad International Airport have foiled an attempt to smuggle cannabis, discovering it in a passenger's luggage during a screening process.