ബാങ്കോക്ക്: 2026 റൈസിങ് സ്റ്റാർസ് ഏഷ്യ കപ്പ് സ്വന്തമാക്കി ഇന്ത്യൻ വിമൺസ് എ ടീം. കിരീടപോരാട്ടത്തിൽ ബംഗ്ലാദേശിനെ 46 റൺസിന്‌ പരാജയപ്പെടുത്തിയാണ് ഇന്ത്യയുടെ കിരീട നേട്ടം. ബാങ്കോക്കിൽ നടന്ന മത്സരത്തിൽ ആദ്യം ബാറ്റ് ചെയ്ത 20 ഓവറിൽ ഏഴ് വിക്കറ്റ് നഷ്ടത്തിൽ 134 റൺസാണ് നേടിയത്. മറുപടി ബാറ്റിങ്ങിനിറങ്ങിയ ബംഗ്ലാദേശ് 19.1 ഓവറിൽ 88 റൺസിന്‌ പുറത്തായി. 

ഇന്ത്യക്കായി തേജൽ ഹസ്ബാനിസ് അർദ്ധ സെഞ്ച്വറി നേടി മികച്ച പ്രകടനം കാഴ്ചവെച്ചു. 34 പന്തിൽ പുറത്താവാതെ 51 റൺസ് നേടിയാണ് താരം തിളങ്ങിയത്. മൂന്ന് ഫോറുകളും രണ്ട് സിക്സുകളും അടങ്ങുന്നതാണ് ഇന്നിംഗ്സ്. ക്യാപ്റ്റൻ രാധ യാദവ് 30 പന്തിൽ മൂന്ന് ഫോറുകളും ഒരു സിക്‌സും അടക്കം 36 റൺസും നേടി ടീമിന് മാന്യമായ ടോട്ടൽ നൽകുന്നതിൽ നിർണായകമായി. വൃന്ദ ദിനേശ് 19 റൺസും സ്വന്തമാക്കി. ബാക്കിയുള്ള താരങ്ങൾക്കൊന്നും രണ്ടക്കം കാണാനായില്ല. 

ഇന്ത്യൻ ബൗളിങ്ങിൽ പ്രേമ റാവത്ത് മൂന്ന് വിക്കറ്റുകളും സോണിയ മെന്ധിയ, തനുജ കൻവർ എന്നിവർ രണ്ട് വിക്കറ്റുകളും വീഴ്ത്തി മിന്നും പ്രകടനം നടത്തിയപ്പോൾ ബംഗ്ലാദേശ് ബാറ്റിംഗ് തകരുകയായിരുന്നു. സൈമ താക്കൂർ, മിന്നു മണി, രാധ യാദവ് എന്നിവർ ഓരോ വിക്കറ്റും നേടി വിജയത്തിൽ നിർണായകമായി. 

16 പന്തിൽ 20 റൺസ് നേടിയ വിക്കറ്റ് കീപ്പർ ഷാമിമ സുൽത്താനായാണ് ബംഗ്ലാദേശ് നിരയിലെ ടോപ് സ്‌കോറർ. ബാക്കിയുള്ള താരങ്ങളെല്ലാം നിരാശപ്പെടുത്തി. 

India Women's A team won the 2026 Rising Stars Asia Cup. India won the title by defeating Bangladesh by 46 runs in the title fight. Batting first in the match held in Bangkok, they scored 134 runs for the loss of seven wickets in 20 overs. In reply, Bangladesh, who remained batting, were bowled out for 88 runs in 19.1 overs.