കൊല്ലം: കൊല്ലം കൊട്ടിയത്ത് നിര്‍മാണത്തിലിരിക്കുന്ന ദേശീയപാത ഇടിഞ്ഞു താണു. സംരക്ഷണഭിത്തി സര്‍വീസ് റോഡിലേക്ക് ഇടിഞ്ഞുതാഴുകയായിരുന്നു. കൊട്ടിയം മൈലക്കാടിന് സമീപം ഇന്ന് ഉച്ചയ്ക്ക് ശേഷമാണ് അപകടം സംഭവിച്ചത്.  

സംരക്ഷണഭിത്തി തകര്‍ന്നതോടെ സര്‍വീസ് റോഡും ഇടിഞ്ഞു. അപകടമുണ്ടായതിന് പിന്നാലെ സ്‌കൂള്‍ ബസ് ഉള്‍പ്പടെ നിരവധി വാഹനങ്ങള്‍ കുടുങ്ങി. ബസ്സിലുണ്ടായിരുന്ന കുട്ടികളെ സുരക്ഷിതരായി മാറ്റി. ആര്‍ക്കും പരുക്കില്ല. തലനാരിഴക്കാണ് വന്‍ അപകടം ഒഴിവായത്. തിരുവനന്തപുരം ഭാഗത്തേക്കുള്ള ഗതാഗതം ഏതാണ്ട് പൂര്‍ണമായും സ്തംഭിച്ച നിലയിലാണ്.  വാഹനങ്ങള്‍ തീരദേശ പാതവഴി തിരിച്ചുവിടുന്നുണ്ട്.

ALSO READ: കൊട്ടിയത്ത് ദേശീയപാത ഇടിഞ്ഞുതാഴ്ന്ന സംഭവം; ഗതാഗത ക്രമീകരണങ്ങൾ ഏർപ്പെടുത്തി; അടിയന്തര അന്വേഷണത്തിന് ഉത്തരവ്

ദേശീയപാത തകര്‍ന്ന സംഭവത്തില്‍ പൊതുമരാമത്ത് മന്ത്രി പിഎ മുഹമ്മദ് റിയാസ് അടിയന്തര അന്വേഷണത്തിന് ഉത്തരവിട്ടു. പൊതുമരാമത്ത് സെക്രട്ടറിക്കാണ് നിര്‍ദ്ദേശം നല്‍കിയത്. ദേശീയപാത അതോറിറ്റി അധികൃതരില്‍ നിന്ന് വിശദീകരണം തേടാനാണ് നിര്‍ദ്ദേശം. 

A section of the under-construction national highway in Kollam collapsed, trapping several vehicles including a school bus. No injuries reported; urgent inquiry ordered by the PWD Minister.