അബൂദബി: അബൂദബി കൺവൻഷൻ ആൻഡ് എക്സിബിഷൻ ബ്യൂറോയുമായി സഹകരിച്ച് വി.എ.പി ഗ്രൂപ്പ് രാജ്യാന്തര എ.ഐ ഫ്യൂച്ചറിസ്റ്റുകളുടെ  ആതിഥേയത്വത്തിൽ ഇന്നും നാളെയുമായി അബൂദബിയിൽ ഗ്ലോബൽ എ.ഐ പ്രദർശനം സംഘടിപ്പിക്കുന്നു. ഗൾഫ് സുപ്രഭാതമാണ് മീഡിയ പാർട്ണർ. 

കഴിഞ്ഞ രണ്ട് പതിപ്പുകളുടെയും മികച്ച വിജയത്തെത്തുടർന്നാണ് ടൈംസ് ഓഫ് എ.ഐയുമായി സഹകരിച്ച് പരിപാടി ഒരുക്കുന്നത്. ലോകമെമ്പാടുമുള്ള 5000ത്തിലധികം എ.ഐ ഫ്യൂച്ചറിസ്റ്റുകൾ പങ്കെടുക്കും. 200ലധികം പ്രഭാഷകർ, 150ലധികം സ്പോൺസർമാർ, പ്രദർശകർ, 150ലധികം മാധ്യമ പ്രൊഫഷണലുകൾ എന്നിവരെ ഒരു മേൽക്കൂരയ്ക്ക് കീഴിൽ എത്തിക്കുന്ന പ്രോഗ്രാമാകുമിത്.

ALSO READ: 2026 ജൂൺ വരെ സമയം: ഓയിൽ ആൻഡ് ഗ്യാസ് മേഖലയിലെ ലൈസൻസ് നിബന്ധനയിൽ ഇളവ്

 ഏറ്റവും പുതിയ എ. ഐ ഇന്നൊവേഷൻസ്, ട്രെൻഡുകൾ, നിക്ഷേപ അവസരങ്ങൾ എന്നിവ പര്യവേക്ഷണം ചെയ്യുന്നതുമാണ് പ്രദർശനം. ഇത്തരമൊരു ഗ്ലോബൽ എ.ഐ ഒരുക്കാനാകുന്നതിൽ ഞങ്ങൾ അഭിമാനിക്കുന്നു. ഇത് യു.എ.ഇയുടെ ഹൃദയത്തിലേക്ക് ലോകോത്തര നവീകരണവും ബൗദ്ധിക നിലവാരവും കൊണ്ടുവരാനുള്ള ഞങ്ങളുടെ ദൗത്യത്തെ കൂടുതൽ ശക്തിപ്പെടുത്തുന്നു -സംഘാടകർ പറഞ്ഞു. കാനഡയിലെ ആൽബെർട്ട ഗവൺമെന്റിലെ ടെക്‌നോളജി ആൻഡ് ഇന്നൊവേഷൻ മന്ത്രിയായ നേറ്റ് ഗ്ലൂബിഷ്, യു.എ.ഇ സൈബർ സെക്യൂരിറ്റി കൗൺസിൽ മേധാവി ഡോ. മുഹമ്മദ് അൽ കുവൈത്തി തുടങ്ങിയ പ്രമുഖർ പങ്കെടുക്കും. ലോകോത്തരമായ ഈ ഒത്തുചേരൽ ശ്രദ്ധേയമായ ഒന്നായി മാറുമെന്ന് സംഘടകർ അവകാശപ്പെട്ടു.  

എ.ഐ നയരൂപകർത്താക്കൾ, നിക്ഷേപകർ, സ്റ്റാർട്ടപ്പുകൾ, സംരംഭങ്ങൾ എന്നിവയ്ക്കുള്ള  തന്ത്രപരമായ കേന്ദ്രമായി ഈ ഷോ വർത്തിക്കുന്നു.

ഈ മാസം12 വരെ ഒരു നിർമിത ബുദ്ധി ഗ്ലോബൽ എ.ഐ വീക്കും ഈ പരിപാടിയിൽ ഉൾപ്പെടുന്നു. ആഗോള ഗവേഷകർ, സ്ഥാപകർ, നിക്ഷേപകർ, പോളിസി മേക്കർമാർ, എന്നിവർ വിവിധ പാനലുകൾക്ക് നേതൃത്വം നൽകുന്നു. ടെക്കി ഷോകേസുകൾ, റൗണ്ട് ടേബിളുകൾ എന്നിവയും ഷോ ഭാഗമായി ഉണ്ടാകും.

The Global AI Show Abu Dhabi, a premier AI conference and exhibition, is underway, bringing together 5,000+ attendees, 200+ speakers, and 300+ companies to explore the latest AI innovations and trends. Organized by VAP Group and powered by Times of AI, the event focuses on "AI 2030: Accelerating Intelligent Futures.