ന്യൂഡല്‍ഹി: രാജ്യത്തെ എസ്.ഐ.ആര്‍ സമയപരിധി നീട്ടി തെരഞ്ഞെടുപ്പ് കമ്മിഷന്‍. അഞ്ച് സംസ്ഥാനങ്ങളിലും ഒരു കേന്ദ്ര ഭരണ പ്രദേശത്തുമാണ് സമയം നീട്ടിയത്. തമിഴ്‌നാട്, ഗുജറാത്ത് എന്നീ സംസ്ഥാനങ്ങളില്‍ ഡിസംബര്‍ 19 വരെയും മധ്യപ്രദേശ്, ഛത്തീസ്ഗഢ്, ആന്‍ഡമാന്‍ നിക്കോബാര്‍ എന്നിവിടങ്ങളില്‍ ഡിസംബര്‍ 18 വരെയും ഉത്തര്‍പ്രദേശില്‍ ഡിസംബര്‍ 31 വരെയുമാണ് സമയപരിധി നീട്ടിയത്. അതേസമയം കേരളത്തിലും ബംഗാളിലും മാറ്റമില്ല.

കേരളത്തിലെ എസ്‌ഐആര്‍ നടപടികള്‍ നേരത്തെ നീട്ടിയിരുന്നു. എന്യൂമറേഷന്‍ ഫോം സമര്‍പ്പിക്കാനുള്ള തീയതി ഡിസംബര്‍ 18 വരെയാണ് നീട്ടിയത്. അന്തിമ പട്ടിക ഫെബ്രുവരി 21 നാണ് പ്രസിദ്ധീകരിക്കുക.