പത്തനംതിട്ട: ശബരിമലയിൽ ഭക്തരുടെ ഇടയിലേക്ക് ട്രാക്ടർ പാഞ്ഞു കയറി അപകടം. മാലിന്യവുമായി പോയ ട്രാക്ടറാണ് പാഞ്ഞു കയറിയത്. അപകടത്തിൽ രണ്ട് കുട്ടികൾ അടക്കം ഒമ്പത് ആളുകൾക്ക് പരുക്കേറ്റു. രണ്ട് പേരുടെ നില ഗുരുതരമാണ്. പരുക്കേറ്റ ആളുകളെ ആശുപത്രിയിൽ പ്രവേശിപ്പിച്ചു. സ്വാമി അയ്യപ്പൻ റോഡിലാണ് അപകടം നടന്നത്.  നാല് ആന്ധ്രപ്രദേശ് സ്വദേശികൾക്കും മൂന്ന് മലയാളികൾക്കും രണ്ട് തമിഴ്നാട് സ്വദേശികൾക്കുമാണ് പരുക്കേറ്റത്.