ന്യൂഡല്‍ഹി: ഡല്‍ഹി മദ്യനയക്കേസില്‍ മുന്‍ മുഖ്യമന്ത്രി അരവിന്ദ് കെജ് രിവാളും മുന്‍ ഉപമുഖ്യമന്ത്രി മനീഷ് സിസോദിയയും കുറ്റവിമുക്തര്‍. ഇരുവരേയും പ്രതിപ്പട്ടികയില്‍ നിന്ന് ഒഴിവാക്കി. കേസില്‍ അന്വേഷണം നടത്തിയ സി.ബി.ഐയ്‌ക്കെതിരെ കോടതി രൂക്ഷവിമര്‍ശനമാണ് നടത്തിയത്. തെളിവില്ലാതെ കേസില്‍ ഉള്‍പ്പെടുത്തിയതെന്തിനെന്ന് കോടതി സി.ബി.ഐയോട് ചോദിച്ചു.

തെലങ്കാന മുന്‍ മുഖ്യമന്ത്രി കെ ചന്ദ്രശേഖര്‍ റാവുവിന്റെ മകള്‍ കെ. കവിത അടക്കമുള്ള കേസിലെ മുഴുവന്‍ പ്രതികളെയും കോടതി വിട്ടയച്ചു. വിധി വന്നതിന് പിന്നാലെ മാധ്യമങ്ങളെ കണ്ട കെജ്‌രിവാള്‍ പൊട്ടിക്കരഞ്ഞു. പ്രധാനമന്ത്രി നരേന്ദ്രമോദിയും ആഭ്യന്തര മന്ത്രി അമിത് ഷായും ചേര്‍ന്ന കെട്ടിച്ചമച്ച കേസ് ആണിതെന്നും കെജ് രിവാള്‍ പറഞ്ഞു.

ആയിരത്തിലേറെ പേജുകളുള്ള കുറ്റപത്രത്തില്‍ നിരവധി പോരായ്മകള്‍ ഉണ്ടെന്നും സാക്ഷിമൊഴികളോ തെളിവുകളോ ഇതിനെ പിന്തുണയ്ക്കുന്നില്ലെന്നും കോടതി നിരീക്ഷിച്ചു.

2024 മാര്‍ച്ച് 21 നാണ് കെജ് രിവാള്‍ മദ്യനയക്കേസില്‍ അറസ്റ്റിലാവുന്നത്. എ.എ.പി 100 കോടി രൂപ മദ്യലോബിയില്‍ നിന്ന് അനധികൃതമായി കൈപ്പറ്റിയെന്നാണ് പറയുന്നത്. കേസില്‍ കുറ്റാരോപിതനായ വിജയ് നായര്‍ കെജ്രിവാളിനെ ഇടയ്ക്കിടെ ഓഫിസിലെത്തി കണ്ടതായി ഇ.ഡി റിമാന്‍ഡ് നോട്ടിലും കുറ്റപത്രത്തിലും പറയുന്നു.

ഭാരത് രാഷ്ട്ര സമിതി (ബി.ആര്‍.എസ്) നേതാവ് കെ. കവിതയെ കെജ്രിവാളുമായി ഗൂഢാലോചന നടത്തിയെന്നാരോപിച്ച് അറസ്റ്റ് ചെയ്തിരുന്നു. എ.എ.പി നേതാക്കളായ മനീഷ് സിസോദിയ, സഞ്ജയ് സിങ് എന്നിവരെയും മദ്യനയ കേസില്‍ അറസ്റ്റ് ചെയ്തിരുന്നു.

In a major development in the Delhi liquor policy case, Arvind Kejriwal and Manish Sisodia have been acquitted by the court. The verdict comes after prolonged legal proceedings related to alleged irregularities in the Delhi excise policy.