മാനന്തവാടി: ഇൻസ്റ്റഗ്രാം വഴി പരിചയപ്പെട്ട യുവതിയുടെ സ്വകാര്യ ചിത്രങ്ങൾ സുഹൃത്തുക്കൾക്ക് അയച്ചുകൊടുത്ത സംഭവത്തിൽ യുവാവ് അറസ്റ്റിൽ. മലപ്പുറം എടപ്പാൾ വട്ടംകുളം സ്വദേശി പുതൃകാവിൽ പി. സഹദിനെയാണ് മാനന്തവാടി പൊലിസ് പിടികൂടിയത്. വിവാഹ വാഗ്ദാനം നൽകി പ്രണയം നടിച്ച് യുവതിയെ കബളിപ്പിച്ചാണ് ഇയാൾ നഗ്നചിത്രങ്ങൾ കൈക്കലാക്കിയത്.

ALSO READ: സപ്ലൈകോ ക്രിസ്മസ് - പുതുവത്സര മേളകൾക്ക് തുടക്കം; 500 രൂപയ്ക്ക് പ്രത്യേക കിറ്റ്, അരിക്ക് വൻ വിലക്കുറവ്

ഇൻസ്റ്റഗ്രാമിലൂടെ സൗഹൃദം സ്ഥാപിച്ച പ്രതി, യുവതിയുമായി പ്രണയത്തിലാവുകയും ലൈംഗിക ഉദ്ദേശത്തോടെ സ്വകാര്യ ചിത്രങ്ങൾ ആവശ്യപ്പെടുകയുമായിരുന്നു. എന്നാൽ പിന്നീട് യുവതി ഇയാളെ ഇൻസ്റ്റഗ്രാമിൽ ബ്ലോക്ക് ചെയ്യുകയും അൺഫോളോ ചെയ്യുകയും ചെയ്തു. ഇതിലുള്ള വിരോധം തീർക്കാനായി യുവതിയുടെ സുഹൃത്തുക്കൾക്കും ബന്ധുക്കൾക്കും ചിത്രങ്ങൾ അയച്ചുകൊടുക്കുകയായിരുന്നുവെന്ന് പൊലിസ് പറഞ്ഞു. സൈബർ സെല്ലിൻ്റെ സഹായത്തോടെ നടത്തിയ അന്വേഷണത്തിൽ അതീവ ഗൗരവകരമായ വിവരങ്ങളാണ് പുറത്തുവന്നത്.

ALSO READ: പീഡനശ്രമം എതിർത്ത യുവതിക്ക് നേരെ അതിക്രമം; ദേഹത്ത് തിളച്ച എണ്ണ കോരിയൊഴിച്ചു; പ്രതി അറസ്റ്റിൽ

പ്രതി നാല് വ്യത്യസ്ത ഇൻസ്റ്റഗ്രാം ഐഡികൾ ഉപയോഗിച്ചാണ് യുവതിയുമായി ആശയവിനിമയം നടത്തിയത്. മൊബൈൽ ടെക്‌നീഷ്യൻ കോഴ്‌സ് പഠിച്ച സഹദ്, തൻ്റെ പക്കൽ ഫോൺ നന്നാക്കാൻ നൽകുന്ന ഉപഭോക്താക്കളുടെ സിം കാർഡുകൾ രഹസ്യമായി ഉപയോഗിച്ചാണ് വ്യാജ അക്കൗണ്ടുകൾ ഉണ്ടാക്കിയത്. ഫോൺ ഉടമകളുടെ അറിവോ സമ്മതമോ കൂടാതെയായിരുന്നു ഈ നടപടി.

ALSO READ: സർക്കാർ ആശുപത്രിയിൽ ഡോക്ടറുടെ ഗുണ്ടായിസം: രോഗിയെ ക്രൂരമായി തല്ലിച്ചതച്ച സംഭവത്തിൽ വൻ പ്രതിഷേധം; പൊലിസ് നടപടി

യുവതി നൽകിയ പരാതിയുടെ അടിസ്ഥാനത്തിൽ മാനന്തവാടി പൊലിസ് മലപ്പുറത്തെത്തിയാണ് പ്രതിയെ കസ്റ്റഡിയിലെടുത്തത്. ഇയാൾ മുൻപും സമാനമായ രീതിയിൽ ആരെയെങ്കിലും കബളിപ്പിച്ചിട്ടുണ്ടോ എന്ന് പൊലിസ് അന്വേഷിച്ചുവരികയാണ്.

The Mananthavady police arrested P. Sahad, a native of Malappuram, for leaking private photos of a woman to her friends and relatives. The two had met and developed a relationship through Instagram. After the woman recently unfollowed and blocked him, Sahad shared her private images out of spite. The investigation revealed that Sahad, a mobile technician, created multiple fake Instagram accounts using SIM cards belonging to his customers without their knowledge. He was taken into custody in Malappuram following the woman's complaint.