ജയ്‌പൂർ: രാജസ്ഥാനിലെ ആരവല്ലി മലനിരകൾ കേന്ദ്രീകരിച്ച് വ്യാപകമായ അനധികൃത ഖനനം നടക്കുന്നതായി ഞെട്ടിക്കുന്ന കണക്കുകൾ. കഴിഞ്ഞ ഏഴ് വർഷത്തിനിടെ സംസ്ഥാനത്തൊട്ടാകെ 7,173 എഫ്‌ഐആറുകളാണ് അനധികൃത ഖനനവുമായി ബന്ധപ്പെട്ട് രജിസ്റ്റർ ചെയ്തത്. ഇതിൽ പകുതിയിലധികവും (4,181 കേസുകൾ) ആരവല്ലി ഉൾപ്പെടുന്ന ജില്ലകളിൽ നിന്നാണെന്ന് ഔദ്യോഗിക റിപ്പോർട്ടുകൾ വ്യക്തമാക്കുന്നത്.

ALSO READ: ഉദ്ഘാടനം കഴിഞ്ഞ് മോദി മടങ്ങി, പിന്നാലെ ആളുകൾ 4000 അലങ്കാരച്ചെടികൾ കടത്തി; നാണക്കേടിന്റെ ദൃശ്യങ്ങൾ പുറത്ത്

സംസ്ഥാനത്ത് ഇതുവരെ 71,322 അനധികൃത ഖനന കേസുകളാണ് റിപ്പോർട്ട് ചെയ്തിട്ടുള്ളത്. ഇതിൽ 40,175 കേസുകളും ആരവല്ലി ബെൽറ്റിലെ 20 ജില്ലകളിൽ നിന്നാണ്. 2024ൽ മാത്രം ഉദ്യോഗസ്ഥർക്കും തൊഴിലാളികൾക്കും നേരെ 93 ആക്രമണങ്ങൾ ഖനന മാഫിയ അഴിച്ചുവിട്ടു. ഭൂരിഭാഗം കേസുകളും പിഴയൊടുക്കി (ചെലാൻ) തീർപ്പാക്കുന്ന രീതിയാണുള്ളതെന്നും ഗൗരവകരമായ എഫ്.ഐ.ആറുകൾ കുറവാണെന്നും ആക്ഷേപമുണ്ട്.

രാഷ്ട്രീയ വാക്പോര്

സംസ്ഥാനത്തെ ഖനന കണക്കുകൾ പുറത്തുവന്നതോടെ രാഷ്ട്രീയ ആരോപണങ്ങളും ശക്തമായി. അഞ്ച് വർഷത്തെ കോൺഗ്രസ് ഭരണകാലത്ത് (2018-2023) ആരവല്ലിയിൽ മാത്രം 29,209 കേസുകൾ രജിസ്റ്റർ ചെയ്തപ്പോൾ, ബിജെപി അധികാരത്തിൽ വന്ന കഴിഞ്ഞ രണ്ട് വർഷത്തിനിടെ 10,966 കേസുകൾ റിപ്പോർട്ട് ചെയ്തതായി ബിജെപി വക്താവും എംഎൽഎയുമായ രാംലാൽ ശർമ പറഞ്ഞു. ആരവല്ലിയിലെ ഒരു കല്ലിന് പോലും കേടുപാടുകൾ സംഭവിക്കരുതെന്നാണ് സർക്കാർ നയമെന്നും ഖനന മാഫിയക്കെതിരെ കർശന നടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.

കേന്ദ്ര ഇടപെടലും നിയന്ത്രണങ്ങളും

ആരവല്ലി മലനിരകളുടെ നാശം തടയാൻ കേന്ദ്ര സർക്കാർ ശക്തമായ നിയന്ത്രണങ്ങൾ ഏർപ്പെടുത്തിയിട്ടുണ്ട്. ആരവല്ലി മേഖലയിൽ പുതിയ ക്വാറികൾക്കോ ഖനനത്തിനോ അനുമതി നൽകില്ല. ആരവല്ലി കടന്നുപോകുന്ന നാല് സംസ്ഥാനങ്ങൾക്കും ഇത് സംബന്ധിച്ച കർശന നിർദേശം നൽകി. നിലവിൽ അനുമതിയുള്ള ഖനികൾക്ക് പ്രവർത്തിക്കാം, എന്നാൽ പുതിയ ഖനനത്തിന് പൂർണ്ണ നിയന്ത്രണമുണ്ടാകും.

Reports from December 2025 reveal a significant crackdown on illegal mining in Rajasthan, particularly within the ecologically sensitive Aravalli Range.