കൊച്ചി: സ്വര്‍ണക്കൊള്ള കേസുമായി ബന്ധപ്പെട്ട് എസ്.ഐ.ടി ദിണ്ഡിഗലിലെത്തി ചോദ്യം ചെയ്തയത് ഡി.മണിയെ തന്നെയെന്ന് ഉറപ്പിച്ച് പ്രവാസി വ്യവസായി. എസ്ഐടി കണ്ടത് താൻ കണ്ട ഡി മണിയെ തന്നെയെന്ന് ഉറപ്പിച്ച് പറയുകയാണ് പ്രവാസി വ്യവസായി. വ്യവസായിയിൽ നിന്നും അന്വേണ സംഘം വീണ്ടും മൊഴിയെടുക്കും.

അതേസമയം താൻ ഡി മണിയല്ല എന്നും എംഎസ് മണിയാണെന്നുമാണ് മണിയുടെ വാദം. നാടകീയ നീക്കങ്ങള്‍ക്കൊടുവിലാണ് ചോദ്യം ചെയ്യല്‍ നടന്നത് സമ്മതിച്ചത്. ഇതുവരെയും തനിക്ക് സ്വര്‍ണകൊള്ളയുമായും അതിനോടനുബന്ധിച്ച ചോദ്യം ചെയ്യലുമായി ബന്ധപ്പെട്ടും ബന്ധമില്ലെന്ന് ഇയാള്‍ പറഞ്ഞിരുന്നു. താന്‍ ഡി. മണി അല്ല എം.എസ്. മണി ആണെന്ന് ചോദ്യം ചെയ്യലിന് വിധേയനായ മണി എന്ന വ്യക്തി മാധ്യമങ്ങളോട് പറഞ്ഞു. 

സുഹൃത്തിന്റെ മൊബൈല്‍ നമ്പര്‍ ദുരുപയോഗം ചെയ്യപ്പെട്ടു. അതിന്റെ ഭാഗമായാണ് എസ്‌ഐടി എത്തിയത്. എന്താണ് കേസ് എന്നകാര്യം ഉദ്യോഗസ്ഥര്‍ പറഞ്ഞില്ലെന്ന് മണി മാധ്യമങ്ങളോട് പ്രതികരിച്ചു. ഇതിന് പിന്നാലെയാണ് ചോദ്യം ചെയ്തത് ഡി.മണിയെ തന്നെയാണെന്ന് വീണ്ടും ഉറപ്പിച്ച് പ്രവാസി വ്യവസായി പറഞ്ഞത്. വ്യവസായിയില്‍ നിന്നും അന്വേണ സംഘം വീണ്ടും മൊഴിയെടുക്കും.