തിരുവനന്തപുരം: തിരുവനന്തപുരം ആക്കുളത്ത് ടയര്‍ പൊട്ടി നിയന്ത്രണം വിട്ട ടിപ്പര്‍ ലോറി കാറിന് മുകളിലേക്ക് മറിഞ്ഞു. ഉച്ചയ്ക്ക് 2.15 ലോടെയാണ് അപകടമുണ്ടായത്. സംഭവത്തില്‍ ആളപായമില്ല. 

ആക്കുളത്തു നിന്നും കുളത്തൂര്‍ ഭാഗത്തേക്ക് എംസാന്‍ഡുമായി പോയ ടിപ്പര്‍ ലോറിയാണ് അപകടത്തില്‍പ്പെട്ടത്. പിന്‍ഭാഗത്തെ ടയര്‍ പൊട്ടിയതിനെ തുടര്‍ന്ന് നിയന്ത്രണം വിട്ട ലോറി വലത്തേക്ക് കയറി കാറിന് മുകളിലേക്ക് മറിയുകയായിരുന്നു. ഇതോടെ ലോറിയിലുണ്ടായിരുന്ന മണല്‍ കാറിന് മുകളിലേക്ക് വീണു. 

കാറില്‍ ഉണ്ടായിരുന്ന മൂന്ന് പേരും യാതൊരു പരുക്കുകളും ഇല്ലാതെ അത്ഭുതകരമായിട്ടാണ് രക്ഷപ്പെട്ടത്. ശ്രീകാര്യം സ്വദേശിയായ ഡോക്ടര്‍ മിലിന്ദും രണ്ട് സഹോദരങ്ങളുമാണ് കാറിലുണ്ടായിരുന്നത്.

A major accident was narrowly averted at Akkulam in Thiruvananthapuram after a tipper lorry lost control due to a tyre burst and overturned onto a car on Friday afternoon. The incident occurred around 2:15 pm when the M-sand–laden lorry, travelling from Akkulam towards Kulathoor, veered to the right after its rear tyre burst and toppled onto the car.