അബൂദബി: പ്രശസ്തമായ ക്യാംപി​ഗ് സൈറ്റുകളിലൊന്നായ അൽ വത്ബ ലേക്ക് (Al Wathba Lake) താൽക്കാലികമായി അടച്ചിടുമെന്ന് അബൂദബി മുനിസിപ്പാലിറ്റി അറിയിച്ചു. പതിവ് അറ്റകുറ്റപ്പണികളുടെ ഭാ​ഗമായാണ് ഈ നിയന്ത്രണം.

ഡിസംബർ 29 തിങ്കളാഴ്ച, ഉച്ചയ്ക്ക് 12:30 മുതൽ വൈകുന്നേരം 7:00 വരെ ലേക്ക് അടച്ചിടും. തുടർന്ന്, അന്നേ ദിവസം വൈകുന്നേരം 7:00-ന് ശേഷം ലേക്ക് സന്ദർശകർക്കായി വീണ്ടും തുറന്നുകൊടുക്കും.

മെച്ചപ്പെട്ട സൗകര്യങ്ങളും സന്ദർശകർക്ക് മികച്ച അനുഭവം ഉറപ്പാക്കാനുമാണ് ഈ നടപടിയെന്ന് അധികൃതർ വ്യക്തമാക്കി. അതിനാൽ ഈ സമയക്രമം പാലിച്ച് യാത്രകൾ പ്ലാൻ ചെയ്യണമെന്ന് സന്ദർശകർക്ക് നിർദ്ദേശം നൽകിയിട്ടുണ്ട്.

ALSO READ: 43 മണിക്കൂർ നിർത്താതെ മെട്രോ; 40 ഇടങ്ങളിലായി 48 കരിമരുന്ന് പ്രദർശനങ്ങൾ; പുതുവത്സരം ആഘോഷമാക്കാൻ ഒരുങ്ങി ദുബൈ

അൽ വത്ബ ലേക്കിന്റെ പ്രത്യേകതകൾ

അബൂദബി നഗരത്തിൽ നിന്നും അബൂദബി-അൽ ഐൻ ഹൈവേ വഴി ഏകദേശം 40 മിനിറ്റ് യാത്ര ചെയ്താൽ ഇവിടെ എത്താം. പ്രവേശനം തികച്ചും സൗജന്യമാണ്.

മരുഭൂമിയിലെ മനോഹരമായ ഉപ്പുപാളികളും തെളിഞ്ഞ വെള്ളവുമാണ് ഇവിടുത്തെ പ്രധാന ആകർഷണം. ഫോട്ടോഗ്രഫി ഇഷ്ടപ്പെടുന്നവർക്കും ഹൈക്കിംഗിനും പിക്നിക്കിനും താല്പര്യമുള്ളവർക്കും പ്രിയപ്പെട്ട ഇടമാണിത്.

13 ക്യാമ്പിംഗ് സൈറ്റുകളും 24 പിക്നിക് പോയിന്റുകളും ഇവിടെയുണ്ട്. കൂടാതെ കുട്ടികൾക്കുള്ള കളിസ്ഥലങ്ങൾ, വോളിബോൾ കോർട്ടുകൾ, സൈക്ലിംഗ് സൗകര്യം എന്നിവയും ലഭ്യമാണ്. അതേസമയം, ഇവിടെയെത്തുന്ന സന്ദർശകർ തങ്ങൾക്ക് ആവശ്യമായ ഭക്ഷണവും മറ്റു സാധനങ്ങളും സ്വന്തമായി കരുതുന്നതാണ് ഉചിതം.

Abu Dhabi Municipality has announced the temporary closure of Al Wathba Lake, a popular camping spot, for routine maintenance. The closure is part of ongoing efforts to maintain facilities and enhance visitor experience.