കൊച്ചി: പെരുമ്പാവൂരില്‍ പ്ലൈവുഡ് കമ്പനിയില്‍ വന്‍ തീപിടിത്തം. കെട്ടിടത്തിന്റെ ഒരു ഭാഗം മുഴുവനായും കത്തിനശിച്ചു. പ്ലൈവുഡ് ഉല്‍പന്നങ്ങള്‍ മുഴുവനായും കത്തിനശിച്ചു. ഇന്ന് ഉച്ചയോടെയായിരുന്നു സംഭവം. അതേസമയം തീപിടിത്തത്തിന്റെ കാരണം വ്യക്തമല്ല. 
എറണാകുളം ജില്ലയിലെ വിവിധ ഭാഗങ്ങളില്‍ നിന്ന് അഗ്നിശമന സേനയുടെ 8 യൂണിറ്റുകളെത്തി തീഅണയ്ക്കുകയാണ്. 

സ്ഥാപനത്തിലെ ഡ്രൈയറിന്റെ ഭാഗത്താണ് ആദ്യം തീ പിടിച്ചത്. പിന്നീട് പല ഭാഗങ്ങളിലേക്കായി പടരുകയായിരുന്നു. തീപിടിക്കുന്ന സമയം ഇവിടെ തൊഴിലാളികൾ ഉണ്ടായിരുന്നെങ്കിലും ആർക്കും പരുക്കുകളില്ല. കുറുപ്പംപടി പൊലീസും സ്ഥലത്തെത്തി.