കോഴിക്കോട്: ലഹരിമരുന്ന് നല്‍കി പ്രായപൂര്‍ത്തിയാകാത്ത പെണ്‍കുട്ടിയെ കൂട്ടബലാത്സംഗം ചെയ്ത കേസില്‍ രണ്ടുപേര്‍ കൂടി അറസ്റ്റില്‍. കാസര്‍ക്കോട് സ്വദേശികളായ മുഹമ്മദ് ഷമീം, മുഹമ്മദ് റയീസ് എന്നിവരെയാണ് കോഴിക്കോട് സിറ്റി പൊലിസ് അറസ്റ്റ് ചെയ്തത്. 

കേസില്‍ രണ്ട് പേര്‍ ഇന്നലെ പിടിയിലായിരുന്നു. പുതുപ്പാടി ചീനിപ്പറമ്പില്‍ മുഹമ്മദ് സാലിഹ്(45), പുതുപ്പാടി വരിവിന്‍കാലയില്‍ വി.കെ ഷബീറലി(41) എന്നിവരാണ് അറസ്റ്റിലായത്. 

പെരിന്തല്‍മണ്ണ സ്വദേശിനിയായ പെണ്‍കുട്ടിയാണ് കൂട്ടബലാത്സംഗത്തിന് ഇരയായത്. 20ന് രക്ഷിതാക്കളുമായി പിണങ്ങി വീടുവിട്ടിറങ്ങിയ പെണ്‍കുട്ടി പെരിന്തല്‍മണ്ണയില്‍ നിന്നു ബസ് കയറി കോഴിക്കോട് എത്തുകയായിരുന്നു. ഞായറാഴ്ച പുലര്‍ച്ചെ 2 മണിക്ക് കോഴിക്കോട് ബീച്ചിലെത്തിയ പെണ്‍കുട്ടിയെ യുവാക്കള്‍ താമസസൗകര്യവും ഭക്ഷണവും നല്‍കാമെന്നു പറഞ്ഞ് ഫ്‌ലാറ്റിലേക്ക് കൂട്ടിക്കൊണ്ടുപോവുകയായിരുന്നു.

കാസര്‍കോട് സ്വദേശികളാണ് പെണ്‍കുട്ടിയെ ബീച്ചില്‍ നിന്ന് പന്തീരാങ്കാവിലെത്തിച്ചത്. പീഡിപ്പിച്ച ശേഷം 4,000 രൂപ നല്‍കി കോഴിക്കോട് ബീച്ചില്‍ ഇറക്കിവിടുകയായിരുന്നു. തുടര്‍ന്ന് അര്‍ധബോധാവസ്ഥയില്‍ കുട്ടിയെ കണ്ട സഞ്ചാരികള്‍ വനിതാ ഹെല്‍പ്പ് ലൈനില്‍ വിവരം അറിയിച്ചു.

സംഭവത്തില്‍ കൂടുതല്‍ അന്വേഷണം നടത്തിയതോടെയാണ് കൂട്ടബലാത്സംഗം ചെയ്യപ്പെട്ടത് പുറത്തറിഞ്ഞത്. ടൗണ്‍ എ.സി ടി.കെ അഷ്‌റഫിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു. 

Two more accused have been arrested in connection with the case involving the gang assault of a minor girl who had left home following a dispute with her parents. The Kozhikode City Police arrested Mohammed Shameem and Mohammed Rayees, both natives of Kasaragod district.