കൊല്ലം: മത്സ്യത്തൊഴിലാളി വനിതകള്‍ ഉല്‍പാദിപ്പിക്കുന്ന തീരമൈത്രി ഉല്‍പന്നങ്ങളുടെ വിപണന സാധ്യത ഉറപ്പു വരുത്തുമെന്ന് മന്ത്രി ജെ. മേഴ്‌സിക്കുട്ടിയമ്മ പറഞ്ഞു. മത്സ്യത്തൊഴിലാളി വനിതകളുടെ സമഗ്രവികസനത്തിനായി കേരള സര്‍ക്കാര്‍ ഫിഷറീസ് വകുപ്പിന് കീഴില്‍ ആരംഭിച്ച സൊസൈറ്റി ഫോര്‍ അസിസ്റ്റന്റ്‌സ് ടു ഫിഷര്‍ വിമണിന്റെ (സാഫ്) തീരമൈത്രി പദ്ധതികളുടെ ജില്ലാതല ഉദ്ഘാടനം നിര്‍വഹിക്കുകയായിരുന്നു അവര്‍. ഫിഷറീസ് ജോയിന്റ് ഡയറക്ടര്‍ സി.ആര്‍ സത്യവതി റിപ്പോര്‍ട്ട് അവതരിപ്പിച്ചു.
എന്‍. വിജയന്‍പിള്ള എം.എല്‍.എ ഓണക്കിറ്റുകള്‍ വിതരണം ചെയ്തു. വാര്‍ഡ് കൗണ്‍സിലര്‍ ഷീബ ആന്റണി അധ്യക്ഷത വഹിച്ചു. കൗണ്‍സിലര്‍മാരായ ഉദയസുകുമാരന്‍, ബെര്‍ളിന്‍, വിനീത വിന്‍സെന്റ്, രാജലക്ഷ്മി ചന്ദ്രന്‍, ഗിരിജാ സുന്ദരന്‍, മീനാകുമാരി, ബേബി സേവ്യര്‍, ഫിഷറീസ് ഡെപ്യൂട്ടി ഡയറക്ടര്‍ സി.ടി സുരേഷ്‌കുമാര്‍, അസിസ്റ്റന്റ് ഡയറക്ടര്‍ പ്രിയ ജയസേനന്‍ സംസാരിച്ചു.